अभिनेता शाहरुख खानचा (Shah Rukh Khan) पठाण हा चित्रपट सध्या वादाच्या भोवऱ्यात सापडला आहे. चित्रपटातल्या बेशरम या गाण्यात अभिनेत्री दिपीका पदुकोण (Deepika Padukone) हिने घातलेल्या बिकीनीच्या रंगावरुन मोठा वाद निर्माण झाला आहे. काही हिंदुत्ववादी संघटनांनी आपल्या धार्मिक भावना दुखावली गेली असुन या चित्रपटावर बंदी घालण्याची मागणी केली आहे.

हा वाद निर्माण झाला असतानाच आता शाहरुखचा एक जुना व्हिडिओ व्हायरल होत आहे.या व्हिडीओमध्ये शाहरुख आपण बॉयकॉट ट्रेंडला घाबरत नसल्याचे म्हटले आहे.

या व्हिडीओमध्ये शाहरुख मी एवढा दुबळा नाही कि बॉयकॉट ट्रेंडला घाबरेन, अशा ट्रेंडला मी किंवा माझे कुटूंबिय घाबरत नसल्याचे म्हटले आहे.

गेल्या काही दिवसांपासुन बॉयकॉट ट्रेंड सुरु आहे. अभिनेता आमिर खानलाही बॉयकॉट ट्रेंडचा सामना करावा लागला होता. शाहरुखच्या आगामी पठाण चित्रपटातले बेशरम हे गाणे वादाचे कारण ठरले आहे. या गाण्यात अभिनेत्री दिपीका पदुकोण हिने घातलेल्या बिकीनीच्या भगव्या रंगावरुन वाद निर्माण झाला आहे. काही हिंदु संघटनांनी हा हिंदु धर्माचा अपमान असल्याचं म्हटलं आहे.

हा सगळा वाद सुरु असताना आता शाहरुखचा एक जुना वाद व्हिडीओ व्हायरल झाला आहे. हा जुना व्हिडीओ कोमल नाहटाच्या शोमधला आहेे. हा व्हिडीओ जुना असला तरी त्यावर सोशल मिडीयावर जोरदार प्रतिक्रिया उमटण्याची शक्यता आहे.