Shahrukh Khan: किंग खान नेहमीच चर्चेत राहणारा अभिनेता आहे. कधी तो त्याच्या चित्रपटामुळे चर्चेत असतो तर कधी आपल्या वक्तव्यामुळे चर्चेत असतो. आता मात्र तो त्याच्या अपघातामुळे चर्चेत आहे. त्याच्या अपघाताची बातमी ऐकताच चाहत्यांना धक्का बसला होता.

शाहरुख खान आपल्या एका शूटसाठी लॉस एंजेलिसला गेला होता. यावेळी त्याचा अपघात होऊन त्याच्या नाकतून रक्त येऊ लागल्याची माहीती समोर आली आहे. या अपघातानंतर त्याच्यावर शस्त्रक्रिया करावी लागली असून तो आता भारतात परतला आहे.

शाहरुख खानच्या अपघाताची बातमी समजताच चाहते चिंतेत पडले होते मात्र आता किंग खानचा एक व्हिडिओ समोर आला आहे, ज्यामुळे चाहत्यांची चिंता दूर झाली आहे. लॉस एंजेलिसवरुन परताना मुंबई एअरपोर्टवर शाहरुख आपली पत्नी गौरी खानबरोबर दिसून आला. त्यावेळी तो एकदम स्वस्थ दिसून आला आहे. यावेळी तो तंदुरुस्त आणि उत्तम दिसत होता. त्याच्या चेहऱ्यावरदेखील कोणतेही सर्जरी दिसून आली नाही. त्यामुळे शाहरुखचे चाहते खूश झाले आहेत.

दरम्यान, अमेरिकेत शाहरुख कोणत्या चित्रपटाच्या शूटिंगसाठी गेला होता याबद्दल कोणतीही माहीती मिळाली नसून त्याच्या टीमनेदेखील याबद्दल माहीती दिली नाही. किंग खानचा हा पहिला अपघात नसून याआधीदेखील शूटिंग दरम्यान अनेकदा अपघाताला त्याला समोर जावे लागले आहे.

'चेन्नई एक्सप्रेस'च्या शूटिंगदरम्यान शाहरुख खानला 8 सर्जरी कराव्या लागल्या होत्या. इतकेच नाही 'रईस' चित्रपटावेळी त्याला झालेल्या अपघातामुळे चेहऱ्याची सर्जरी करावी लागली होती. दरम्यान, शाहरुख लवकरच जवान चित्रपटातून प्रेक्षकांचे मनोरंजन करणार आहे.

'पठाण'ला मिळालेल्या प्रेक्षकांच्या प्रतिसादानंतर आता जवान चित्रपट प्रेक्षकांचे मन जिंकण्यात यशस्वी होणार का हे पाहणे महत्वाचे ठरणार आहे.