Shahid Kapoor: शाहिद कपूर आणि क्रिती सेनन यांचा 'तेरी बातों में ऐसा उलझा जिया' हा चित्रपट सध्या बॉक्स ऑफीसवर धुमाकूळ घालताना दिसत आहे. अॅडव्हान्स बुकिंग कमी प्रमाणात झाल्याने हा चित्रपट जास्त कमाई करणार नाही, बॉक्स ऑफीसवर चित्रपट फ्लॉफ ठरेल असे म्हटले जात होते. मात्र चित्रपटाने आता मोठा गल्ला जमवायला सुरुवात केली आहे. चला तर जाणून घेऊयात शाहिदच्या या चित्रपटाने किती कमाई केले आहे.

समोर आलेल्या रिपोर्टनुसार, 'तेरी बातों में ऐसा उल्झा जिया' ने चित्रपटगृहांमध्ये दुसऱ्या दिवशी भारतात सुमारे 9.50 कोटी रुपयांची कमाई केली आहे. तेरी बातों में ऐसा उल्झा जियाने शुक्रवारी 6.7 कोटी रुपये जमा केले, आतापर्यंत भारतात सुमारे 16.20 कोटी रुपये कमावले आहेत. मंगळवारी व्हॅलेंटाईन डे पर्यंत म्हणजेच १४ फेब्रुवारी पर्यंत हा चित्रपट आपला कमाईचा वेग कायम ठेवेल अशी शक्यता वर्तवली जात आहे.

चित्रपट निर्माते अमित जोशी आणि आराधना साह दिग्दर्शित 'तेरी बातों में ऐसा उल्झा जिया'मध्ये शाहिद कपूर सिफ्रा (क्रिती सेनॉन) नावाच्या रोबोटशी लग्न करण्याचा निर्णय घेतो. हा चित्रपट मॅडॉक फिल्म्सने बनवला आहे. या चित्रपटाला संमिश्र प्रतिक्रिया मिळत आहेत. 'तेरी बातों में ऐसा उल्झा जिया'मध्ये धर्मेंद्र आणि डिंपल कपाडिया हे दिग्गज कलाकारही आहेत. वेगळी कल्पना असलेला हा चित्रपट प्रेक्षकांना आवडणार का आणि बॉक्स ऑफीसवर 'तेरी बातों में ऐसा उल्झा जिया' चित्रपट किती कमाई करणार हे पाहणे महत्वाचे ठरणार आहे.