Shahrukh Khan: अॅनिमल रिलिज झाल्यापासून सतत चर्चेत आहे. चित्रपटाने बॉक्स ऑफीसवर मोठा गल्ला जमवत धुमाकूळ घातला असला तरीही मोठ्या प्रमाणात टीकेलादेखील सामोरे जावे लागले आहे. आता चित्रपटाचे दिग्दर्शक संदीप रेड्डी वंगा हे गेल्या काही दिवसांपासून शाब्दिक वादात अडकताना दिसत आहेत.आता ते शाहरुखमुळे चर्चेत आहेत.

शाहरुख एका कार्यक्रमात म्हणाला होता, 'मी आशावादी आहे आणि आनंदाने भरलेल्या गोष्टी सांगतो. मी ज्या नायकांची भूमिका करतो ते चांगले काम करतात, ते लोकांना आशा आणि आनंद देतात. जर मी वाईट माणूस झालो, तर मी त्याला खूप त्रास देण्याचा प्रयत्न करतो, कुत्र्यासारखा मारतो, कारण माझा विश्वास आहे की चांगले चांगले होते आणि वाईट वाईट होते. लोकांना स्वप्न पाहण्याची हिंमत देणारी प्रामाणिक पात्रे मला साकारायची आहेत.

आता संदीप रेड्डी वंगा यांनी देखील भविष्यात शाहरुख खानसोबत काम करण्याची इच्छा व्यक्त केली होती. शाहरुखला मी दोनदा भेटलो होतो पण कामाच्या संदर्भात कधीच बोललो नाही असे त्याने सांगितले होते. वांगा म्हणाले होते की- मला नक्कीच शाहरुख खान आणि रणवीर सिंगसोबत काम करायचे आहे. आता शाहरुखला ते कोणत्या प्रकारची पात्राची विचारणा करतील हे पाहणे उत्सुकतेचे असणार आहे.

दरम्यान, नुकतेच किरण रावने संदीप रेड्डी वंगाच्या चित्रपटाविरोधात जे काही बोलले त्यावरून दिग्दर्शकाने आमिर खानवरही निशाणा साधला होता. संदीप रेड्डी वंगा यांनी सिद्धार्थ कन्नन यांना दिलेल्या मुलाखतीत जे काही बोलले ते शाहरुख खानला टोमणे दिले असल्याचे म्हटले जात आहे. ते म्हणाले होते, 'त्यांना वाटतं हिरोनं क्लायमेक्समध्ये लेक्चर द्यावं, जिथे त्यानं आपल्या सगळ्या चूका मान्य कराव्या आणि हिरोनं मार खावा' अशा शब्दात त्याने टीका केली आहे.