Ram Gopal Varma Viral Video: बॉलिवूडचे प्रसिद्ध चित्रपट निर्माते राम गोपाल वर्मा कोणत्या ना कोणत्या कारणाने नेहमीच प्रसिद्धीझोतात राहण्याचा प्रयत्न करत असतात. वर्मा यांचा नुकताच एक व्हिडिओ व्हायरल झाला आहे. या व्हिडिओत राम गोपाल वर्मा एका अभिनेत्रीच्या पायाचे चुंबन घेताना दिसत आहे. राम गोपाल वर्माचा हा व्हिडिओ पाहून सोशल मीडियावर यूजर्स वेगवेगळ्या प्रतिक्रिया देत आहेत. एकेकाळी गंभीर विषयांवर चित्रपट करणाऱ्या राम वर्मा यांचे हे रूप पाहून लोकांनी त्यांच्यावर टीका केली आहे.

व्हायरल व्हिडिओमध्ये राम गोपाल वर्मा जमिनीवर बसून आपल्या चित्रपटातील अभिनेत्रीच्या पायाची मालिश करत त्याचे चुंबन घेताना दिसत आहेत. यादरम्यान अभिनेत्री सोफ्यावर बसलेली आहे तर रामू जमिनीवर बसलेला दिसत आहे. हा व्हिडिओ त्यांनी त्याच्या सोशल मीडिया अकाऊंटवरही शेअर केला आहे. राम गोपाल वर्मा यांचा हा वादग्रस्त व्हिडिओ व्हायरल होत आहे. वर्मा त्यांच्या आगामी 'डेंजरस' या चित्रपटाच्या प्रमोशनसाठी करण्यात आल्याची माहिती समोर आली आहे.

दरम्यान, राम गोपाल वर्मा यांनी चित्रपटाच्या प्रमोशनची वापरलेली पद्धत कोणालाच आवडलेली नाही. या व्हिडिओवरून वर्मा यांच्यावर सोशल मीडियावर जोरदार टीका होत आहे. चित्रपटाच्या प्रमोशनची वापरलेली पद्धत लजास्पद आहे असे एका युजरने म्हटले आहे.

राम गोपाल वर्मा यांना सत्या, कंपनी, सरकार, शूल आणि रक्त चरित्र यासारख्या चित्रपटांसाठी बॉलिवूडमध्ये ओळखले जाते. भारतातील गँगवॉर त्यांनी चांगल्या पद्धतीने दाखवला आहे. अनेक चित्रपटांसाठी त्यांना राष्ट्रीय पुरस्कार मिळाले आहेत. त्यांच्या सत्या या चित्रपटाला 6 फिल्मफेअर पुरस्कार मिळाले आहेत.