Rashmika Mandhana: दाक्षिणात्य अभिनेत्री रश्मिका मंदाना नुकतीच 'अॅनिमल' या चित्रपटात मुख्य भूमिकेत दिसली होती. या चित्रपटात रणबीर कपूर, अनिल कपूर, तृप्ती डिमरी हे कलाकार देखील अभिनय करताना दिसून आले होते. हा चित्रपट संदीप रेड्डी वंगा यांनी दिग्दर्शित केला होता. आता अशी माहिती समोर आली आहे की, रश्मिका लवकरच प्रभासबरोबर मोठ्या पडद्यावर प्रेक्षकांचे मनोरंजन करण्यासाठी येणार आहे.

महत्वाचे म्हणजे, हा संदीप रेड्डी वंगा हा चित्रपट दिग्दर्शित करणार आहेत. या चित्रपटाचे नाव स्पिरिट असे आहे. रश्मिका आणि प्रभासचा एकत्र हा पहिलाच चित्रपट असून, दोघेही पडद्यावर रोमान्स करताना दिसणार आहेत.

दिग्दर्शक संदीप रेड्डी वंगासोबत रश्मिका मंदान्नाचा हा दुसरा चित्रपट असेल. याआधी ती त्याच्या 'अॅनिमल'मध्ये दिसली होती, ज्यामध्ये रणबीर कपूर मुख्य भूमिकेत होता. या चित्रपटात अनिल कपूर, बॉबी देओल आणि तृप्ती डिमरी देखील दिसले होते. हा चित्रपट प्रचंड गाजला.

दरम्यान, अॅनिमल चित्रपटाने बॉक्स ऑफीसवर मोठ्या प्रमाणात कमाई केली असली तरी चित्रपटात दाखवलेल्या हिंसक दृश्यामुळे मोठ्या प्रमाणात टीका केली जात आहे. आता प्रभास आणि रश्मिकाच्या या चित्रपटात काय पाहायला मिळणार, अॅनिमल सारखीच कहाणी असणार संदीप रेड्डी वंगा प्रेक्षकांसाठी काही नवीन घेऊन येणार हे पाहणे महत्वाचे ठरणार आहे.