हिंदी चित्रपटसृष्टीतील उत्कृष्ट कलाकार रणवीर सिंग (Ranveer Singh) त्याच्या कूल स्टाइलसाठी प्रसिद्ध आहे. अलीकडेच, रणवीर सिंगला 67 व्या फिल्मफेअर पुरस्कारांतर्गत (Filmfare Award) सर्वोत्कृष्ट अभिनेत्याचा किताब मिळाला. या खास प्रसंगाचा एक व्हिडिओ सध्या सोशल मीडियावर व्हायरल होत आहे, या व्हिडिओमध्ये रणवीर सिंग स्टेजवर रडताना दिसत आहे. तसेच, रणबीरने पत्नी दीपिका पदुकोण (Deepika Padukone), कुटुंब आणि चाहत्यांबद्दल बरेच काही सांगितले आहे.

फिल्मफेअर 2022 पुरस्कारात रणवीर सिंगला त्याच्या 83 चित्रपटासाठी सर्वोत्कृष्ट अभिनेता म्हणून निवडण्यात आले. याचा एक व्हिडिओ रणवीर सिंगने त्याच्या इंस्टाग्राम हँडलवर शेअर केला आहे. या व्हिडिओमध्ये रणवीर फिल्मफेअर अवॉर्ड घेताना दिसत आहे. मात्र यानंतर रणवीर सिंग भावूक झाला आहे.

रणवीर सिंग म्हणाला, 'आज या मंचावर मला असा पुरस्कार मिळेल असे मला कधीच वाटले नव्हते. हे माझ्यासाठी स्वप्न पूर्ण झाल्यासारखे आहे.' असे म्हणत रणवीर रडताना दिसत आहे.

रणवीर सिंग पुढे म्हणाला, आज मी जो काही आहे त्यात सर्वात मोठे योगदान माझ्या चाहत्यांचे आहे. यासोबतच माझे आई, वडील आणि बहिणीनेही मला पूर्ण पाठिंबा दिला आहे. त्याचबरोबर माझ्या घरात असलेली लक्ष्मी तिला मी कधीच विसरू शकत नाही. असे म्हणत रणवीर सिंग दीपिका पदुकोणला स्टेजवर घेऊन येत तिला किस करताना व्हिडिओत दिसत आहे.