बॉलीवुडमधील प्रसिद्ध अभिनेता रणबीर कपूर (Ranbir Kapoor) आणि अभिनेत्री आलिया भट्ट (Alia Bhatt) यांच्या लग्नाबाबत गेल्या काही दिवसांपासून सोशल मिडियावर (Social Media) चर्चा सुरू आहेत. रणबीर आणि आलिया या महिन्याच्या दुसऱ्या आठवड्यात लग्न करणार असल्याच्या बातम्या पहिल्यांदा आल्या होत्या. मुंबईतील (Mumbai) चेंबूर येथील आरके हाऊसमध्ये त्यांच्या लग्नाचा सोहळा पार पडणार आहे. पण याबाबत रणधीर कपूर यांना विचारले असता, त्यांनी याबाबत काहीही माहिती नसल्याचे सांगितले. पण आता रणबीर आणि आलिया एप्रिल महिन्यात लग्न करणार अशी चर्चा सुरू आहे. (Ranbir Kapoor Alia Bhatt Wedding News)

या दोघांचे लग्न बॉलिवूडमधील सर्वाधिक चर्चेत असणार आहे. मिळालेल्या माहितीनुसार रणबीर-आलिया 17 एप्रिल रोजी लग्न करणार आहेत. आलियाच्या (Alia Bhatt) आजोबांची प्रकृती चिंताजनक आहे, त्यामुळे हे जोडपे एप्रिलच्या दुसऱ्या आठवड्यात लग्न करायचा विचार करत आहेत. "आलियाचे आजोबा एन राझदान यांना आलिया आणि रणबीरचे लग्न बघायचे आहे. 17 एप्रिल रोजी एक अतिशय खाजगी स्वरूपात लग्ना पार पाडण्याचे नियोजन करण्यात आले आहे. ज्यामध्ये फक्त कुटुंब आणि जवळचे लोक सहभागी होणार आहेत. हे लग्न आरके स्टुडिओमध्ये होणार आहे अशी माहिती मिळाली आहे.

यापूर्वी रणबीर आणि आलिया राजस्थानमधील उदयपूरमध्ये लग्न करू शकतात, अशी चर्चा होती. कारण उदयपूरला जाताना दोघेही अनेकदा दिसले होते.

* रणबीर-आलिया चित्रपटांच्या शूटिंगमध्ये व्यस्त

रणबीर आणि आलिया दोघेही सध्या चित्रपटांच्या शूटिंगमध्ये बिझी आहेत. दोघांनी 'ब्रह्मास्त्र' चित्रपटात एकत्र काम केले आहे. याशिवाय आलिया आगामी चित्रपट 'रॉकी आणि राणीची प्रेमकथा' आणि 'डार्लिंग्स' तर रणबीर 'शमशेरा' चित्रपटात दिसणार आहे.