Rana Naidu Trailor: साऊथच्या कलाकारांचं नेहमी त्यांचा अभिनय, दिग्दर्शन आणि कथेसाठी नेहमीच कौतुक केलं जातं.

प्रादेशिक चित्रपट असुनही साऊथ सिनेसृष्टीतील सुपरस्टार राणा दग्गुबतीच्या मोस्ट अवेटेड वेब सिरीज 'राणा नायडू'ची प्रत्येकजण आतुरतेने वाट पाहत आहे. राणा डग्गुबतीच्या या आगामी मालिकेच्या टीझरने चाहत्यांची उत्सुकता आताच वाढवली आहे. 

दरम्यान, चाहत्यांची उत्कंठा द्विगुणित करण्यासाठी राणा दग्गुबती स्टारर 'राणा नायडू' या सिरीजचा ट्रेलर रिलीज करण्यात आला आहे. हा ट्रेलर पाहिल्यानंतर तुम्हाला त्याचा आनंद नक्कीच मिळणार आहे.

बुधवारी, राणा दग्गुबती यांच्या वेब सीरिज 'राणा नायडू'चा ट्रेलर नेटफ्लिक्स इंडियाच्या यूट्यूब चॅनलवर रिलीज झाला आहे. या ट्रेलरमध्ये राणा दग्गुबती फुल ऑन अॅक्शन करताना दिसत आहे. 

राणा नायडू मालिकेच्या ट्रेलरवरून हे स्पष्ट झाले आहे की या मालिकेत राणा दग्गुबती एका सेलिब्रिटी फिक्सरची भूमिका साकारत आहे, जो मोठ्या घोटाळ्यात अडकला आहे.

सिरीजमध्ये राणाने केलेला हा घोटाळा खूप मोठा असल्याचे ट्रेलरमध्ये सांगण्यात आले आहे. 2 मिनिटे 23 सेकंदांचा हा ट्रेलर प्रेक्षकांना खूप आवडला आहे. 

विशेष बाब म्हणजे राणा नायडू या वेब सीरिजमध्ये राणा दग्गुबतीच्या खऱ्या आयुष्यातील काका आणि साऊथ सिनेमाचा दिग्गज सुपरस्टार व्यंकटेश दग्गुबती खलनायकाची भूमिका साकारताना दिसणार आहे. 

ट्रेलर समोर येताच राणा दग्गुबती यांच्या 'राणा नायडू' या वेबसिरीजची सर्वांनाच उत्सुकता आहे. राणा नायडूचा हा ट्रेलर सोशल मीडियावर खूप पसंत केला जात आहे.

 'राणा नायडू'च्या रिलीज डेटबद्दल बोलायचे झाले तर, ही मालिका पुढील महिन्यात होळीनंतर 10 मार्च रोजी प्रसिद्ध OTT प्लॅटफॉर्म Netflix वर प्रदर्शित होईल.