Prabhas In Bald Look: कलाकार बॉलीवू़डचे असो किंवा टॉलीवूडचे, कलाकार हे नेहमीच चर्चेत असतात. कधी त्यांच्या चित्रपटामुळे तर कधी त्यांच्या वैयक्तिक आयुष्यामुळे ते सर्वांचे लक्ष वेधून घेत असतात. आता लोकप्रिय कलाकार प्रभास हादेखील त्याच्या एका व्हायरल फोटोमुळे चर्चेत आला आहे.

प्रभासची त्याच्या बाल्ड लुकमध्ये असलेल्या फोटोमुळे चर्चा होत आहे. त्याचा असा अवतार पाहून प्रभासचे चाहते हैरान झाले आहेत. एका महिलेसोबत फोटोसाठी पोज देताना हा फोटो आहे. सोशल मिडियावर हा फोटो चांगलाच व्हायरल होत दिसत आहे. मात्र आता हा व्हायरल झालेला फोटो फोटोशॉप केला असल्याचे समोर आले आहे.

बाहुबली, साहो अशा ब्लॉकबस्टर चित्रपटातून प्रेक्षकांच्या मनात पोहचलेला प्रभास सध्या त्याच्या करिअरच्या महत्वपूर्ण पडावातून जात आहे. नुकत्याच प्रेक्षकांच्या भेटीस आलेल्या आदिपुरुष बॉक्स ऑफीसवर फ्लॉप ठरला आहे. मिळालेल्या माहीतीनुसार, आदिपुरुषला 225कोटी रुपयांचे नुकसान झेलावे लागले आहे.