Big Boss OTT: बीग बॉसचा शो म्हणजे प्रेक्षकांसाठी मनोरंजनाची पर्वणी असते. काही स्पर्धकांमुळे काही सीझन कायमसाठी लक्षात राहतात. गेल्या वर्षी सुरु केलेला ओटीटीवरील बीग बॉसच्या पहिल्यासीझनाला प्रेक्षकांचा भरभरुन प्रतिसाद मिळाला.

आता बीग बॉस ओटीटीवरील दुसरा सीझन लवकरच भेटीला येणार आहे. 17 जूनला सुरु होणाऱ्या या शोमध्ये कोणते स्पर्धक असणार याबद्दल चाहत्यांमध्ये उत्सुकता असल्याचे पाहायला मिळत आहे.

ओटीटीच्या या नवीन सीझनमध्ये सहभागी होणाऱ्या अनेक सेलिब्रिंटींची नावे पुढे येत असून काही नावांवर मात्र शिक्कामोर्तब झाला आहे. यामध्ये आकांक्षा पुरी, पुनित सुपरस्टार, अविनाश सचदेव, मराठी चित्रपट वेड फेम जिया शंकर, आलियी सिद्दकी, बेबिका धुर्वे यांचा समावेश असल्याचे पाहायला मिळत आहे.

आता मिया खलिफा वाइल्ड कार्डद्वारे शोमध्ये प्रवेश करणार असल्याचे म्हटले जात आहे. शोचे मेकर्स मिया खलिफाबरोबर बीग बॉसमधील प्रवेशाबाबत चर्चा करत असल्याची माहीती समोर आले आहे. असे असले तरीही याबाबत मियाकडून अथवा बीग बॉसच्या मेकर्सकडून कोणतीही अधिकृत माहीती देण्यात आली नाही.

याबरोबरच, राज कुंद्रादेखील या शोचा भाग होऊ शकतो असेही म्हटले जात आहे. आता कोणता स्पर्धक प्रेक्षकांचे मन जिंकून घेणार हे पाहणे औत्सुक्याचे ठरणार आहे. जिओ सिनेमाने रिलिज केलेल्या प्रोमोनुसार सलमान खान शोचे होस्टींग करणार असल्याचे नक्की झाले आहे. दरम्यान, बिग बॉस ओटीटीच्या पहिल्या सीझनचे होस्टींग करण जोहरने केले होते.