काही दिवसांपूर्वी सोशल मिडियावर (Social Media) हिट झालेलं लहानग्या सहदेवचं (Sahadeva) 'बचपन का प्यार' हे गाणं आपण सर्वांनी ऐकलं असेलच. आता या गाण्याच्या धर्तीवरच कोकणामधील (Konkana) काही उमद्या तरुणांनी पखवाज, टाळ, तबलाच्या साथीने चक्क मालवणी व्हर्जन तयार केले आहे. आणि आता सोशल मिडियावर या मालवणी गाणही (Malvani song) चांगलंच व्हायरल होत आहे. या मालवणी गाण्याचं बोल काही असं आहेत, 'जाने मेरी जाने मन न्हानपणीचा प्रेम माझा इसरा नको जाऊ तू ती हा माझी बाय गो, मी हा तुझा बाबलो,'

दरम्यान, अशा प्रकारची अनेक गाणी याआगोदरही हिट झाली आहेत. लहानग्यापासून ते अगदी वृध्दांपर्यत बॉलिवूडच्या गाण्यावर थिरकताना दिसतात. भारताची प्रसिध्द बॅडमिंटनपटू पी. व्ही. सिंधूने (P.V. Sindhu) सुचित्रा अकादमीमध्ये आयोजित करण्यात आलेल्या कार्यक्रमात थिरकताना दिसून आली आहे. काही दिवसांपूर्वीच सिंधू टोकियो ऑलिम्पिकमध्ये कांस्य पदक जिंकून भारतात परतली. 'तेरी ऑंख्या का यो काजल' या सपना चौधरीच्या (Sapna Chowdhury) प्रसिध्द गाण्यावर सिंधूने जोरदार डान्स केला. त्या गाण्यासह बॉलिवूडमधील अनेक गाण्यावर तिने डान्स केला. त्याचबरोबर सिंधू यावेळी एकदम स्टायलिश लूकमध्ये दिसून आली. सिंधूच्या या डान्सने आयोजित केलेल्या पार्टीला चार चांद लागले.