Malaika Arora: एकीकडे चित्रपटसृष्टीत अरबाज खानच्या लग्नाची जोरदार चर्चा सुरू आहे, तर दुसरीकडे सोशल मीडियावर मलायकाने फोटो शेअर करत नेटकऱ्यांचे लक्ष वेधून घेतले आहे.
सलमान खानने अरबाजची पहिली पत्नी मलायका अरोराला काही भेटवस्तू पाठवल्या आहेत आणि अभिनेत्रीने त्या भेटवस्तूंची झलक सोशल मीडियावर पोस्ट केली आहे. अरबाज आणि शौरा खानच्या लग्नाच्या चर्चेदरम्यान, सलमान खानने मलाइकाला पाठवलेल्या 'बिइंग ह्युमन' भेटवस्तू सध्या चर्चेत आहेत.
मलायकाने तिच्या इंस्टाग्राम स्टोरीवर सलमानच्या टीमने पाठवलेल्या भेटवस्तूंमध्ये सांताची लाल टोपी, हॉट चॉकलेट पावडरचा बॉक्स आणि मेणबत्त्या यासारख्या गोष्टी बॉक्समध्ये दिसत आहेत. यासोबत मलायकासाठी भेट म्हणून एक नोटही पाठवण्यात आली आहे.
या नोटमध्ये लिहले आहे की, तुम्हाला ख्रिसमस आणि नवीन वर्षाच्या खूप शुभेच्छा! तुमच्या अतूट मैत्री आणि पाठिंब्याबद्दल आमच्या कौतुकाचे प्रतीक म्हणून आम्ही हा छोटासा गिफ्ट हॅम्पर तयार केला आहे. आशा आहे की ते तुमच्या चेहऱ्यावर हसू आणेल, जसे तुमच्या उपस्थितीमुळे आम्हाला आनंद होतो .
सलमान खानच्या कंपनीने अलीकडेच घोषणा केली होती की 'बीइंग ह्युमन' आता महिलांसाठी पूर्णपणे नवीन कलेक्शन लॉन्च करणार आहे. ख्रिसमस आणि तिच्या वाढदिवसाचा संदर्भ देत मलायकाने सलमानच्या कंपनीकडून दिल्या जाणाऱ्या डिस्काउंटची माहितीही शेअर केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.