अर्जुन कपूर, नसीरुद्दीन शाह आणि तब्बू यांची प्रमुख भूमीका असलेला 'कुत्ते' चित्रपट बऱ्याच काळापासुन चर्चेत आहे. आता या चित्रपटाचे पोस्टर नुकतेच रिलीज करण्यात आले आहेत. या चित्रपटात अर्जुन कपूर, नसिरुद्दीन शाह यांच्यासह कुमुद मिश्रा,कोंकणा सेनशर्मा, शार्दुल भारद्वाज आणि राधिका मदन हे कलाकार बघायला मिळणार आहेत.

चित्रपटाचं पोस्टर लाँच करणार अशी घोषणा यापुर्वी झाली होती तेव्हापासुन फॅन्समध्ये प्रचंड उत्सुकता होती . आजच रिलीज झालेल्या पोस्टरमध्ये कलाकारांचा मजेशीर लूक बघायला मिळत आहे.

'कुत्ते' हा आसमान भारद्वाजचा दिग्दर्शक म्हणुन पहिलाच चित्रपट. या कथेतील वेगळेपणामुळे चित्रपट प्रेक्षकांच्या पसंतीला नक्कीच उतरेल. आज या चित्रपटाचे पोस्टर रिलीज करण्यात आले आहे. या चित्रपटाचे लेखन आसमान भारद्वाज आणि विशाल भारद्वाज यांनी केले आहे.

कुत्ते हा चित्रपट लव फिल्म्स आणि विशाल भारद्वाज फिल्म्सच्या बॅनरखाली येतोय. लव रंजन, विशाल भारद्वाज, अंकुर गर्ग आणि रेखा भारद्वाज हे या चित्रपटाचे निर्माते आहेत. या चित्रपटाला टी सिरीजचे म्युझिक लेबल असणार आहे.प्रसिद्ध गीतकार गुलजार यांनी या चित्रपटाची गाणी लिहिली आहेत. या चित्रपटाला विशाल भारद्वाज संगीत देणार आहेत. 'कुत्ते'हा चित्रपट 13 जानेवारी 2023 रोजी प्रदर्शित होईल.