बॉलिवूडची प्रसिद्ध अभिनेत्री करीना कपूर खान (Kareena Kapoor Khan) अनेकदा इंस्टाग्रामवर पोस्ट शेअर करत असते. अलीकडेच, अभिनेत्रीने एका फोनच्या ब्रँडची जाहिरात केली असून त्यातील काही फोटो शेअर केले. कॅप्शनमध्ये, बेबोने सांगितले की केवळ तिचे फोटोच नाही तर ती स्वतः देखील 'कथांनी भरलेली' आहे.

तिच्या इन्स्टाग्राम हँडलवर फोटो शेअर करताना करीनाने लिहिले, "मी कथांनी परिपूर्ण आहे "दरम्यान तिच्या पोस्टवर कॉमेंट करताना, बेबोची मोठी वहिनी आणि सैफ अली खानची बहीण सबा अली खानने त्यावर कॉमेंट केली, "फॅब दिसते." तर अभिनेता करण सिंह छाबरा यांनी देखील कॉमेंट केली होती.

करीनाने 16 ऑक्टोबर 2012 रोजी सैफ अली खानसोबत लग्न केले. अभिनेत्रीने अलीकडेच त्यांच्या लग्नाच्या 9 व्या वाढदिवसानिमित्त एक खास पोस्ट शेअर केली होती. या पोस्टवर तीने कॅप्शन करत म्हंटले, " एकेकाळी ग्रीसमधील या सूपच्या बाऊल ने माझे आयुष्य बदलले, जगातील सर्वात देखण्या व्यक्तीला वाढदिवसाच्या शुभेच्छा."

अलीकडेच, सैफ 'द कपिल शर्मा शो'च्या सेटवर दिसला तेव्हा त्याच्या लग्नाबद्दल बोलला. अभिनेत्याने कबूल केले की त्याने आणि करीनाने त्यांच्या लग्नात फक्त 'जवळच्या कुटुंबाला' आमंत्रित करण्याची योजना आखली होती. परंतु कपूर कुटुंबात किमान 200 लोक असल्याने हा प्लान फसला.