Fighter: हृतिक रोशन आणि दीपिकाचा आगामी चित्रपट 'फायटर' रिलिज होण्याआधीच मोठ्या चर्चेत आहे. काही दिवसांपूर्वी चित्रपटाचा ट्रेलर रिलिज झाला होता. हा ट्रेलर प्रेक्षकांच्या पसंतीस उतरताना पाहायला मिळाले होते. आता हा चित्रपट पुन्हा एकदा चर्चेत आला आहे.

२५ जानेवारी २०२४ ला फायटर चित्रपटगृहांमध्ये रिलिज होणार आहे. भारतातील प्रेक्षकांना याचा आनंद घेता येणार आहे. मात्र भारताबाहेरील आखाती देशांमध्ये फायटर अजूनपर्यंत ग्रीन सिग्नल मिळाला नसल्याची माहिती समोर आली आहे. युएई( UAE ) वगळता इतर आखाती देशांमध्ये फायटर हा चित्रपट चित्रपटगृहांमध्ये प्रदर्शित करण्यासाठी परवानगी मिळाली नसल्याची माहिती चित्रपट व्यवसाय तज्ञ आणि निर्माते गिरीश जोहर यांनी दिली आहे. मात्र, या बंदीचे कारण अजूनही समोर आलेले नाही.

गिरीश यांनी ट्विट केले की, 'फायटरच्या थिएटर रिलीजवर मध्य पूर्व प्रदेशांमध्ये अधिकृतपणे बंदी घालण्यात आली आहे. फक्त UAE हा चित्रपट प्रदर्शित करेल! अशा परिस्थितीत बहारीन, कुवेत, ओमान, कतार, सौदी अरेबियामध्ये तो रिलीज होणार नाही. फक्त UAE मध्ये राहणारे लोक ते पाहू शकतील. याबाबत निर्मात्यांनी कोणतेही अधिकृत वक्तव्य केलेले नाही.

दरम्यान, चित्रपटाची अॅडव्हान्स बुकिंग सुरु असून कोट्यावधीची तिकिटे विकली गेली आहेत. आता हृतिक, दीपिका आणि अनिल कपूर यांची मुख्य भूमिका असलेला हा चित्रपट प्रेक्षकांचे मन जिंकून घेणार का आणि बॉक्स ऑफीसवर किती कमाई करणे हे पाहणे महत्वाचे ठरणार आहे.