Dream Girl 2 Teaser: अभिनेता आयुष्मान खुराना एक कसलेला अभिनेता आहे. आजपर्यंत वेगवेगळ्या भूमीकांमधून त्याने प्रेक्षकांवर आपल्या अभिनयाची छाप सोडली आहे. आर्टिकल 15, विकी डोनर, अंधाधुन या चित्रपटातून त्याने आपल्यातला एक संयत अभिनेता दाखवून दिला आहे.

ड्रिम गर्ल हा आयुष्यमान खुरानाचा चित्रपट प्रेक्षकांना खूप हसवून गेला. आता या चित्रपटाचा दुसरा भाग येत आहे. नुकतच या चित्रपटाचं टिजर रिलीज झालं आहे. यात रणबीर कपूरची मजेदार संवाद ऐकायला मिळत आहे.

तू झूठी मै मक्कारचं प्रमोशन याच टिजरमधून केल्याचं सध्या दिसतंय. एका फोन कॉलवरचा हा संवाद आहे. ज्यात रणबीर कपूर आणि ड्रिम गर्ल आयुष्मान खुराना बोलत असतात.

या टिजरमध्ये ओठांना लिपस्टिक लावून आणि कानातले सुंदर इयर रिंग्ज घालून आयुष्मान खुराना रणबीरशी बोलत असतो. अतीशय रोमॅंटिक अशा या संवादात आयुष्मान रणबीर झूठा आणि मक्कार म्हणत असतो.

या 'टिजरमध्ये आयुष्मान एका महिलेच्या वेशात आणि स्त्रीच्या आवाजाची नक्कल करताना दिसत आहे. मात्र, पूजा म्हणून त्याचा पूर्ण चेहरा दाखवलेला नाही. यात तो अभिनेता रणबीर कपूरशी बोलताना ऐकू येतो .

"हॅलो मी पूजा बोलतेय. तुम्ही कोण?" 'ड्रीम गर्ल' आयुष्मान विचारतो.

त्याला प्रतिसाद देताना, कॉलच्या पलीकडे असलेल्या एका व्यक्तीने म्हटले, "तु माझा आवाज नाही ओळखलंस ?," त्यानंतर रणबीरच्या 'बचना ए हसीनो' गाण्याचे बॅकग्राऊंड म्युझिक वाजतं.

"पछाडलंस, एक नंबरचा खोटारडा आहेस तू.. लग्नाचं वचन मला दिलंस आणि लग्न दुसऱ्याशीच," आयुष्मान पुढे म्हणाला.

त्याला प्रत्युत्तर देताना, कॉलरने टोमणा मारला, "सगळ्या अफवा आहेत," त्यानंतर बॅकग्राऊंडला एक महिला बोलते "कोण आहे आरके? कुणाशी बोलतोयस ?" यावर रणबीर उत्तर देतो, "कुणी नाही ती भटिंड्याची आत्या आहे."

आयुष्मान पुढे म्हणाला, "खोटारड्या ...कधी भेटणार आहेस ? यावर रणबीर म्हणतो 7 जुलै ला आपला रंग दाखवायला येतोय. याला उत्तर देताना आयुष्यमान म्हणतो..कपूर शिवाय पूजा कशी होणार?" 7 जुलैला प्रदर्शित होणारा हा चित्रपट एक भन्नाट कॉमेडीचा तडका असणार हे नक्की. हा टिजर एकदा पाहाच.