बॉलीवूड चित्रपट आणि वैयक्तिक आयुष्यामुळे कियारा अडवाणी (Kiara Advani) नेहमीच चर्चेत असते. कियारा आणि सिद्धार्थ (Sidharth Malhotra) यांच्या जवळीकतेच्या अनेक बातम्या मागील काही काळापासून समोर येत आहेत. दोघेही लवकरच लग्न देखील करणार असल्याचा दावा केला जात आहे. दरम्यान, कियारा अडवाणीने एक पोस्ट शेअर केली आहे, ज्यामध्ये तिने लवकरच एक मोठी घोषणा करणार असल्याचे सांगितले आहे. कियाराच्या या पोस्टनंतर पुन्हा एकदा तिच्या आणि सिद्धार्थच्या लग्नाची चर्चा सुरू झाली आहे.

कियारा अडवाणीने तिच्या अधिकृत इंस्टाग्राम अकाउंटवर एक व्हिडिओ शेअर केला आहे. यात कियाराचा मनमोहक अंदाज पाहायला मिळत आहे. काही सेकंदांचा असलेल्या या व्हिडिओत कियारा अतिशय आकर्षक दिसत आहे. पाहण्यासारखी आहे.

'जास्त काळ गुप्त ठेवू शकत नाही! लवकरच येत आहे... स्टे ट्युनड... 2 डिसेंबर.' असे कॅप्शन या व्हिडीओला कियाराने दिले आहे.

कियाराची ही पोस्ट सोशल मीडियावर खूप व्हायरल झाली आहे. सिद्धार्थ आणि कियाराचे चाहते दोघांच्या लग्नाची घोषणा करणार असल्याचा अंदाज लावत आहेत. तर अनेकांनी दोघांच्या लग्नाचा मुद्दा असेल तर तो जुना झाला आहे. असे म्हटलं आहे. एका यूजरने, 'लग्न होणार आहे. ही घोषणा आहे. तू सिद्धार्थशी लग्न करणार आहेस. आम्हाला माहीत आहे.' अशी कमेंट केली आहे.