या वर्षीच्या आणखी एका मोठ्या चित्रपट 'प्रोजेक्ट के' बद्दल बरीच चर्चा आहे. नाग अश्विनचा हा या वर्षातील सर्वात मोठा चित्रपट आहे. निर्मात्यांनी या चित्रपटातील दीपिका पदुकोणचा फर्स्ट लूक रिलीज केला आहे. 

चाहत्यांना सरप्राईज

दिपीकाच्या चाहत्यांना सरप्राईज म्हणून 17 जुलैच्या मध्यरात्री हा लूक व्हायरल करण्यात आला आहे. या चित्रपटात प्रभास, अमिताभ बच्चन, कमल हासन आणि दिशा पटानी यांच्याही भूमिका आहेत. वैजयंती मूव्हीजच्या अधिकृत इंस्टाग्राम हँडलवर पोस्ट केलेले, दीपिका पदुकोणचा पहिला लूक खूपच इंटेन्स दिसत आहे. या पोस्टरमध्ये दिपीका काहीतरी लक्षपूर्वक पाहत आहे असं दिसतंय.

अमिताभ बच्चन यांच्यासोबत हा तिसरा चित्रपट

दीपिका पदुकोणच्या फर्स्ट लूक कॅप्शनमध्ये असे लिहिले आहे की, 'उद्या चांगल्यासाठी एक आशा निर्माण झाली आहे. प्रोजेक्ट के मधील ही दीपिका पदुकोण आहे. 20 जुलैला अमेरिकेत आणि 21 जुलैला भारतात फर्स्ट लुक. प्रभास, नाग अश्विन आणि कमल हासनसोबत दीपिकाचा हा पहिलाच चित्रपट आहे, तर तिने याआधी अमिताभ बच्चन यांच्यासोबत 'आरक्षण' आणि 'पिकू'मध्ये काम केले आहे.

चित्रपटाची रिलीज डेट

सॅन दिएगो कॉमिक-कॉनमध्ये प्रदर्शित होणारा 'प्रोजेक्ट के' हा पहिला भारतीय चित्रपट असणार आहे. याआधी टाईम्स स्क्वेअरवर चित्रपटाचा एक फलक दिसला होता, ज्यावर '२० जुलैला फर्स्ट लुक' असे लिहिले होते. कमल हासन, प्रभास आणि दीपिका पदुकोणसह नाग अश्विनही या कार्यक्रमात सहभागी होणार आहे. 'प्रोजेक्ट के' टीम कॉमिक-कॉनवर चित्रपटाचे शीर्षक, ट्रेलर आणि रिलीजची तारीख सांगतील. 'प्रोजेक्ट के' हा वैजयंती मुव्हीज निर्मित साय-फाय चित्रपट आहे.

दिग्दर्शक नाग अश्विन म्हणतो

चित्रपटाबद्दल बोलताना नाग अश्विनने एका निवेदनात म्हटले आहे की, 'भारतात आतापर्यंत लिहिलेल्या काही महान कथा आणि सुपरहिरोचे घर आहे. आम्हाला असे वाटते की आमचा चित्रपट हा जगासमोर आणण्याचा प्रयत्न आहे. आणि कॉमिक-कॉन आम्हाला आमची कथा जगासमोर मांडण्यासाठी एक परिपूर्ण व्यासपीठ देत आहे. 'प्रोजेक्ट के' 12 जानेवारी 2024 रोजी तेलुगू, हिंदी, तमिळ, मल्याळम, कन्नड आणि इंग्रजी भाषांमध्ये रिलीज होणार आहे.