Ananya Pandey : बॉलीवूडमधील अभिनेत्रींना अनेकदा त्यांच्या कपड्यांवरून ट्रोल केले जाते. काही चाहते त्यांचे कौतुक करतात तर काहीजण त्यांना ट्रोल करतात. चंकी पांडे यांची मुलगी अभिनेत्री अनन्या पांडेने फार कमी वेळातच बॉलिवूडमध्ये स्वतःची जागा तयार केली आहे. मोजक्याच चित्रपटांमध्ये दिसलेली अनन्या पांडे (Ananya Pandey) सोशल मीडियावर तिच्या फोटोशूटमुळे बरीच सक्रीय असते.

सोशल मीडियावर सक्रीय असणारी अनन्या या व्यतिरिक्त तिच्या फॅशनमुळेही चर्चेत राहते. बरेचदा तिला तिच्या कपड्यांमुळे ट्रोलही केले जाते. अलिकडेच एका पार्टीमध्ये परिधान केलेल्या गाऊनमुळे अनन्याला सोशल मीडियावर ट्रोल केले गेले. मात्र त्यावर तिचे वडील चंकी यांनी ट्रॉलर्सना चांगलेच सुनावले आहे. (Chunky Pandey's exact answer to those who trolled Ananya Pandey from her clothes)

अनन्याने कोर्सेट बॉडीसूटसह बॅक थाइ-हाय स्लिट शीयर ड्रेस परिधान केला होता. पण जेव्हा या ड्रेसमधील तिचे फोटो इंटरनेटवर व्हायरल झाले तेव्हा मात्र यावरून तिच्यावर टीका करण्यात आली. काही लोकांनी अनन्याचा ड्रेसिंग सेन्स खूपच वाईट आहे असे म्हटले. यावर तिचे वडील चंकी पांडे म्हणाले, ‘एक आई-वडील म्हणून आम्ही नेहमीच तिला विचारांचे स्वातंत्र्य दिले आहे. तिने कोणते कपडे परिधान करावेत किंवा कोणते नाहीत याबाबत आम्ही कधीच तिला सल्ला दिला नाही. दोन्ही मुलींना आम्ही खूप चांगली शिकवण दिली आहे आणि त्या खूप समजूतदार आहेत.’