Swara Bhaskar Marriage: स्वरा भास्कर अनेकदा तिच्या राजकीय वक्तव्यांमुळे चर्चेत असते, पण आता तिच्या व्यक्तीगत आयुष्यात 'पॉलीट‍िकल एन्ट्री' झाली आहे. स्वरा भास्करने (Swara Bhaskar) समाजवादी पार्टीचे नेते फहाद अहमदसोबत कोर्ट मॅरेज केले आहे.

स्वरा या वर्षाच्या सुरुवातीला 6 जानेवारीलाच विवाहबद्ध झाली होती. काही दिवसांपूर्वी स्वराने स्वतःचा आणि फहादचा एक फोटो सोशल मीडियावर शेअर केला होता, पण या फोटोत दोघांचेही चेहरे दिसत नव्हते. पण आता स्वराने जानेवारीत झालेल्या लग्नाची घोषणा केली आहे.

दरम्यान, स्वरा भास्करचे पती फहाद अहमद हे समाजवादी पक्षाच्या युवाजन सभेचे प्रदेशाध्यक्ष आहेत. स्वरा भास्करने काही महिन्यांपूर्वी एक व्हिडिओ शेअर केला होता, ज्यामध्ये ती तिची आणि फहादची संपूर्ण प्रेमकथा सांगताना दिसत होती.

दोघांनी 6 जानेवारीला स्पेशल मॅरेज अॅक्ट अंतर्गत लग्नाची (Marriage) नोंदणी केली होती. लग्नानंतरच्या एका फोटोमध्ये स्वराही रडताना दिसत आहे.

दुसरीकडे, जानेवारीमध्ये स्वराने आपला 'मिस्ट्री मॅन' बनवून जगासमोर ज्याची ओळख करुन दिली, तो दुसरा कोणी नसून स्वरा भास्करचा नवरा फहाद अहमद आहे. याआधी स्वरा भास्कर आणि लेखक हिमांशू शर्मा डेट करत असल्याच्या बातम्या आल्या होत्या.

मात्र, 2019 मध्ये या दोघांच्या ब्रेकअपची चर्चाही समोर आली होती. स्वरा शेवटची 'जहां चार यार' चित्रपटात (Movie) दिसली होती. हा चित्रपट 16 सप्टेंबर 2022 रोजी प्रदर्शित झाला होता.