NCB मुंबई आणि गोवा यांनी केलेल्या संयुक्त कारवाईत बॉलिवूड अभिनेता अर्जुन रामपालची (Arjun Rampal) गर्लफ्रेंड गॅब्रिएला डेमेट्रीएड्सच्या (Gabriela Demetriades) भावाला गोव्यातील (Goa) एका ड्रग्स (Drugs) प्रकरणी अटक केली. त्याच्याकडून चरस जप्त करण्यात आले आहे.

सुशांत सिंग राजपूत प्रकरणानंतर नार्कोटिक्स कंट्रोल ब्युरो ने मुंबईसह गोव्यात अनेक ठिकाणी छापेमारी सुरू ठेवली आहे. या प्रकरणातच पुढे आलेलं नाव म्हणजे अर्जुन रामपाल याची मैत्रीण गॅब्रियला चा भाऊ ऍगीसिलोस डेमेट्रीयड्स याला गोव्यातून अटक करण्यात आली आहे. उत्तर गोव्यातील शिवोली परिसरात ही कारवाई करण्यात आली आहे

अशी माहिती एनसीबी च्या अधिकाऱ्यांनी दिली आहे दक्षिण आफ्रिकन नागरिक असलेल्या ऍगीसिलोस डेमेट्रीयड्स यांच्याकडून हॅश आणि अल्प्राजोलम हे अंमली पदार्थ जप्त केले आहेत. यापूर्वी ऍगीसिलोस डेमेट्रीयड्स ला मुंबई पोलिसांनी अटक केली होती. त्यामुळे अर्जुन रामपालची ही अंमली पदार्थ विरोधी विभागानं चौकशी केली होती त्याला मुंबई सेशन कोर्टाने 15 डिसेंबरला जामीन दिला होता . त्यावेळी त्याच्या कडून ट्रामाडौल हे अंमली पदार्थ जप्त केले होते या ड्रग्जवर भारतात बंदी आहे.