बॉलिवूडचा सुपरस्टार खिलाडी अक्षय कुमार (Akshay Kumar Video) सध्या नववर्षाचे स्वागत करण्यासाठी गोव्यात आहे. आपल्या पत्नीसोबत अक्षय गोव्यातील विविध ठिकाणी आपला वेळ घालवताना दिसत आहे. नाताळच्या पूर्वसंध्येला देखील अक्षयने (Akshay Kumar In Goa) एक खास व्हिडिओ शूट करून नागरिकांना नाताळच्या शुभेच्छा दिल्या होत्या. नववर्षाचे स्वागत केल्यानंतर अक्षय गोव्यातील काही खास ठिकाणांना भेट देत आहे. अक्षय कुमारने नुकतेच गोव्यातील सर्कसला (Circus In Goa) भेट दिली.

म्हापसा येथे सध्या नववर्ष आणि सुट्टीच्या पार्श्वभूमीवर मोठी सर्कस उभारण्यात आली आहे. येथील सर्कसला नुकतेच अक्षय कुमार आणि त्याची पत्नी ट्विंकल खान्ना यांनी भेट दिली आहे. यावेळी 'मौत का कुंआ' पाहत असतानाचा एक व्हिडिओ अक्षयने इन्स्टाग्रामवर पोस्ट केला आहे. दरम्यान, हा थरारक खेळ पाहत असताना त्याची पत्नी ट्विंकलने या खेळाला काय म्हणातात? असा प्रश्न विचारला. त्यावर मौत का कुंआ असे उत्तर अक्षय कुमारने दिले.

हा व्हिडिओ पोस्ट केल्यानंतर अक्षयने एक मजेशीर कॅप्शन देखील दिले आहे. मी माझ्या कुटूंबियांना घेऊन सर्कस पाहयला गेलो. त्यावेळी एक खेळ पाहत असताना बायकोने मला याला काय म्हणातात. असा प्रश्न विचारला मी याला लग्न म्हणतात असे उत्तर कदाचित देऊ शकलो असतो.