Bigg Boss 17 Promo: बिग बॉस शो चा १७ वा सीझन चांगलाच चर्चेत आहे. या घरात रोज काही ना काही घडताना दिसत असते. आता वीकेंडच्या एपिसोडची चर्चा रंगली असून, सलमान खान स्पर्धकांचा क्लास घेत असल्याचे समोर आलेल्या प्रोमोमध्ये दिसत आहे.

सलमान सर्व सदस्यांना प्रश्न विचारताना दिसत आहे. घरात सगळ्यात जास्त कोणाची मर्जी चालते? त्यावर स्पर्धक विकीचे नाव घेत आहेत. त्यानंतर सलमान असे म्हणतो की तू शो सुरु झाल्यापासून हाच विचार करत असशील की हा विषय कधी निघेल आणि तुझे कौतुक केले जाईल. तुला खूप शुभेच्छा की तू आता मास्टरमाईड झाला आहे.

तूझे अंकिताचा नवरा म्हणून ओळख असण्याशिवाय मास्टरमाईंड म्हणून तुझे प्रमोशन झाले आहे. त्यानंतर मुनव्वरला देखील सलमानने चांगलेच खडसावले आहे. सलमान म्हणतो माझी जी नाती तयार होतात त्यांच्यासोबक माझे पटते तर ठीक आहे किंवा नाही पटत तर नाही पटत. मला वाटले होते तू देखील तसाच असशील. मात्र इथे असे दिसत नाही.

आता बिग बॉस( Bigg Boss) च्या घरात नवीन वाइल्ड कार्ड एंट्री होणार असल्याचे म्हटले जात आहे. मिळालेल्या माहीतीनुसार, गेल्या काही दिवसांपासून चर्चेत असलेला ओऱी बिग बॉसच्या घरात प्रवेश करणार आहे. त्यानंतर बिग बॉसच्या घरातील वातावरण कसे असणार हे पाहणे महत्वाचे ठरणार आहे. दरम्यान, बिग बॉसच्या शोचा विकेंड कसा असणार, कोण ओरडा खाणार आणि कोणाचे कौतुक होणार हे पाहणे महत्वाचे ठरणार आहे.