प्रसिद्ध कॉमेडियन आणि टीव्ही होस्ट भारती सिंहने अलीकडेच आपल्या मुलाचे फोटो सोशल मीडियावर शेअर केले आहेत. इंस्टाग्रामवर शेअर केलेल्या या फोटोंमध्ये भारती आणि हर्षचा मुलगा हॅरी पॉटरच्या लूकमध्ये दिसत आहे. (bharti singh shares her son lakshya photos)

प्रसिद्ध कॉमेडियन आणि टीव्ही होस्ट भारती सिंह सध्या तिच्या मुलासोबत वेळ घालवताना दिसत आहे. काही महिन्यांपूर्वीच आई झालेल्या भारतीने अलीकडेच तिच्या मुलाची एक झलक चाहत्यांसोबत शेअर केली आहे. सोशल मीडियावर शेअर केलेल्या तिच्या मुलाच्या फोटोसोबतच भारतीने मुलाचे नावही उघड केले आहे. अशातच आता भारतीने नुकतेच आपल्या मुलाचे फोटो शेअर केले.

भारती सिंगने सोशल मीडियावर चाहत्यांसाठी पोस्ट शेअर केली आहे, ज्यामध्ये तिचा मुलगा लक्ष्य हा हॅरी पॉटरच्या लूकमध्ये आहे. हॅरी बनलेला लक्ष्य या फोटोंमध्ये खूप गोंडस दिसत आहे. भारतीने पोस्ट केलेल्या फोटोमध्ये, लहान लक्ष्य डोक्यावर तपकिरी टोपी, काळ्या गोल फ्रेमचा चष्मा आणि हातात काठी घेऊन अतिशय गोंडस अवतारात झोपलेला दिसत आहे. लक्ष्यचे फोटो पाहून चाहत्यांचे मन भारावून गेले आहे. यासोबतच लक्ष्यवर प्रेमाचा वर्षावही होत आहे.

भारती आणि हर्षच्या मुलाच्या या फोटोंवर चाहत्यांसोबतच अनेक सेलिब्रिटींनीही आपली प्रतिक्रिया दिली आहे. अभिनेत्री गौहर खानने लक्ष्यच्या फोटोंवर कमेंट करत त्याला आशीर्वाद दिला आहे. त्याचवेळी लक्ष्यच्या या फोटोंवर कमेंट करताना अभिनेत्री अली गोनी ने लिहिले की, माशाल्लाह, अल्लाह तुझे वाईट नजरेपासून रक्षण करो. याशिवाय सारा खानने भारतीच्या मुलाचे वर्णन क्यूटी पाय असे केले आहे. याशिवाय चाहते ही या फोटोंवर कमेंट करत आहेत.

एका चाहत्याने कमेंट करताना लिहिले, उफ किती क्यूट. त्याचवेळी दुसऱ्या आणखी एका चाहत्याने लिहिले, अरे किती क्यूट. हर्ष लिंबाचिया आणि भारती सिंह यांनी ३ डिसेंबर २०१७ रोजी लग्न केले. त्यांच्या लग्नाच्या पाच वर्षांनंतर म्हणजेच या वर्षी 3 एप्रिल रोजी पहिल्या मुलाला जन्म दिला. मुलाच्या जन्मानंतर काही वेळातच या जोडप्याने आपल्या बाळाचे फोटो चाहत्यांसोबत शेअर केले होते.