Bade Miyan Chote Miyan: सध्या बॉलीवूडचे अनेक चित्रपट थिएटरमध्ये दाखल होत आहेत. २५ जानेवारीला हृतिक रोशनचा फायटर चित्रपट प्रेक्षकांच्या भेटीला येत आहे. तर अक्षय कुमार आणि टायगर श्रॉफचा छोटे मियॉ बडे मियॉ या चित्रपटातून प्रेक्षकांचे मनोरंजन करण्यासाठी हजर होणार आहेत.

आता या चित्रपटावरुन ट्विटरवर दोन गट पडले असल्याचे पाहायला मिळत आहे. हा चित्रपट कसा आहे, यावरुन हा वाद सुरु असल्याचे पाहायला मिळत आहे. काही दिवसांपूर्वीच या चित्रपटाचा ट्रेलर रिलिज झाला आहे. यामध्ये मोठ्या प्रमाणात अॅक्शन पाहायला मिळत असून दोन्ही हिरो हम हृदय से सैनिक है पर दिमाग से शैतान है असे म्हणताना दिसत आहेत.

मात्र चित्रपटाचा सूर तसाच जूना वाटत आहे. ज्यामध्ये सैनिकांचा विजय आणि भारतीय सैनिकांची देशभक्ती दाखवण्यात आली आहे. आत्तापर्यंत असे अनेक चित्रपट प्रदर्शित झाल्याने प्रेक्षकांना या चित्रपटाकडून नवीन कथेची गरज होती असे म्हटले जात आहे. तर दुसरीकडे काही चाहत्यांच्या मते, हा उत्तम चित्रपट आहे.

या टीझरची सुरुवात अशा संवादाने होते, 'महाप्रलय येत आहे, जे भूतकाळ, वर्तमान आणि भविष्य बदलेल. एक प्रलय जो चांगल्या आणि वाईट यांच्यातील युद्ध कायमचा संपवेल. भारताचा नाश होईल. मला कोण रोखू शकेल?'

या टीझरमध्ये असेही सांगण्यात आले आहे की अक्षय आणि टायगरचा हा चित्रपट यावर्षी ईदला पाहायला मिळणार आहे. अली अब्बास जफरच्या या चित्रपटात अक्षय आणि टायगर व्यतिरिक्त सोनाक्षी सिन्हा, मानुषी छिल्लर, पृथ्वीराज सुकुमारन, अलाया एफ आणि रोनित रॉय देखील दिसणार आहेत.