Ayodhya Ram Mandir: राममंदीर प्राणप्रतिष्ठेचा सोहळा २२ जानेवारी २०२४ ला पडला आहे. मात्र आजही या सोहळ्याच्या चर्चा होताना दिसत आहे. या कार्यक्रमासाठी अनेक नामांकित व्यक्ती सहभागी होताना दिसले होते. आता रामायणात लक्ष्मणाची भूमिका निभावलेल्या सुनिल लाहिरी यांनी आयोध्येतील प्रसादाचा फोटो सोशल मिडियावर पोस्ट केल्यानंतर पुन्हा चर्चा रंगल्या आहेत.

रामानंद सागर यांच्या 'रामायण' या टीव्ही मालिकेत लक्ष्मणाची भूमिका साकारणारे सुनील लाहिरी यांनी 22 जानेवारी हा भारतासाठी ऐतिहासिक दिवस असल्याचे वर्णन केले. जेव्हा अयोध्येतील राम मंदिरात राम लल्लाच्या मूर्तीचे अभिषेक करण्यात आले. ज्येष्ठ अभिनेते अरुण गोविल आणि दीपिका चिखलियासोबत अयोध्येला पोहोचले होते. ते अयोध्येहून परतले तेव्हापासून फक्त त्या जागेचीच चर्चा होताना दिसत आहे. आता त्यांचा एक नवीन व्हिडिओ समोर आला आहे, ज्यामध्ये त्यांनी स्वतः सांगितले आहे की राम मंदिर प्राणप्रतिष्ठेमध्ये मिळालेल्या प्रसादात काय होते.

सुनील लाहरी यांनी त्यांच्या सोशल मीडियावर एक व्हिडिओ पोस्ट केला आणि सर्वप्रथम सर्वांना राम मंदिर प्राण प्रतिष्ठामध्ये काय प्रसाद मिळाला हे दाखवले. आधी त्यांनी स्टीलचा डबा दाखवला ज्यात बेसनाचे लाडू होते. त्यानंतर त्यामध्ये तुळशीमाळ, रुद्राक्ष, शबरी मनुका, कुमकुम, केशर, दिया, गंगाजल असल्याचे दाखवले. त्यांनी या व्हिडिओत हा प्रसाद जास्तीत जास्त लोकांमध्ये वाटण्याचा प्रयत्न करणार असल्याचे म्हटले आहे. कारण अनेकांना या सोहळ्याला हजर राहायचे होते मात्र सगळ्यांनाच ते शक्य नव्हते. बाकीच्यांनीसुद्धा असेच करावे असे आवाहनही त्यांनी केले आहे.

यासोबतच त्यांनी राममंदीराविषयी आठवण सांगतिली आहे. ते म्हणतात- मी तीन दशकापूर्वी जेव्हा पहिल्यांदा अयोध्येला गेले होते तेव्हा त्यांनी मंडपात रामाची मूर्ती पाहिली आणि त्यांना खूप वाईट वाटले होते. मला वाटतं, काळाबरोबर न्याय योग्य दिशेने गेला आहे. दरम्यान, या सोहळ्याला अनेक नामांकित व्यक्तींनी या सोहळ्याला हजेरी लावली होती.