अनुष्का शर्मा ही बॉलिवूडमधील सर्वात आवडती अभिनेत्री आहे. 'चकदा एक्स्प्रेस' या चित्रपटामधून बॉलीवूडमध्ये पुनरागमन करण्याची घोषणा केल्यापासून चाहते खूप आनंदात दिसत आहेत. या चित्रपटात क्रिकेटर झुलन गोस्वामीची भूमिका रुपेरी पडद्यावर साकारण्यासाठी अनुष्का खूप मेहनत घेत आहे. तिने नुकताच मैदावर सराव करतानाच एक बूमरँग व्हिडिओ शेअर केला आहे. (Anushka Sharma New Movie Chakda Xpress)

अनुष्काने इन्स्टाग्रामवर (Instagram) बूमरँग व्हिडिओ शेअर केला आहे. यामध्ये तिने पांढरा टी-शर्ट परिधान केला आहे. कडक उन्हात जमिनीवर बसताच तिने सेल्फी काढला. हा फोटो शेअर करत अनुष्काने लिहिले की, 'अजिबात गरम नाही'. दरम्यान, अनुष्काने नुकताच 1 मे रोजी तिचा वाढदिवस साजरा केला. या खास प्रसंगी विराटने तिच्या सोबतचे काही सुंदर फोटो इन्स्टाग्रामवर शेअर केले आहेत.

अनुष्का शर्मा (Anushka Sharma) चार वर्षांनंतर चित्रपटात पुन्हा काम करतांना दिसणार आहे. तिच्या 'चकदा एक्सप्रेस' नावाच्या कथेवर आधारित चित्रपटात (Movie) ती लवकरच माजी क्रिकेटपटू झुलन गोस्वामीची भूमिका साकारताना दिसणार आहे. अनुष्काने अखेरचा चित्रपट कतरिना कैफ आणि शाहरुख खानसोबत झिरोमध्ये दिसली होती.