Adil Durrani On Rakhi Sawant: राखी सावंत वेगवेगळ्या कारणांनी नेहमीच चर्चेत असते. काही दिवसांपूर्वी राखी आपल्या वैवाहिक आयुष्यामुळे चर्चेत आली होती. राखीने आदिल दुर्रानीवर गंभीर आरोप केले होते. त्यामुळे त्याला काही महिन्यांची तुरुंगवासाची शिक्षादेखील झाली होती. आता आदिलची दुर्रानीची सुटका झाली आहे.

आदिलने तुरुंगाबाहेर आल्यावर मोठे वक्तव्य केले आहे. 'माझ्यासोबत जे काही घडले ते वाईट होते. मी लवकरच प्रेस कॉन्फरन्स ठेवेन आणि माझ्यासोबत हे कसे, का घडले ते सर्व सांगेन. त्याबरोबरच राखीची सगळी गुपितं देखील संपूर्ण जगासमोर आणेन.' असे त्याने म्हटले आहे.

आदिलचे हे वक्तव्य सोशल मिडियावर चांगलेच व्हायरल होताना दिसत आहे. नेटकरीदेखील त्याच्या या वक्तव्यावर प्रतिक्रिया देताना दिसत आहेत. जे करायचे ते लवकर कर नाहीतर राखी ( Rakhi Sawant )तुला गायब करेल असाही सल्ला काहीजणांनी त्याला दिला आहे.

दरम्यान, राखीने आदिल दुर्रानी बरोबर लग्नगाठ बांधली तेव्हा सोशल मिडियावर चर्चांना उधान आले होते. मात्र त्यानंतर काही दिवसातच राखीने आदिलवर घरगुती हिंसेचे आरोप लावले होते.

कॅमेरासमोर येत तिने सर्व जगाला आपल्यासोबत काय घडले, आदिल तिला कसा वागवतो आणि त्याने तिच्याशी पैशासाठी लग्न केल्याचे राखीने सांगितले होत. त्यानंतर आदिलला शिक्षा झाल्याचे दिसून आले. आता आदिल राखीची नेमकी कोणती गुपिते सांगणार आणि आदिलच्या या वक्तव्यावर राखी काय भूमिका घेणार हे पाहणे महत्वाचे ठरणार आहे.