Abhishek Kumar: बिग बॉसचा १७ वा सीझन नुकताच संपला असून मुनव्वर फारुकीच्या रुपात या पर्वाचा विजेतादेखील मिळाला आहे. आता शो संपला असला तरी स्पर्धक मात्र चांगलेच चर्चेत आहेत. बिग बॉसचा १७ वा सीझनमधील अभिषेक कुमारने सगळ्यांचे लक्ष वेधून घेतले होते.

असे म्हटले जात होते की, अभिषेक कुमार हा शो जिंकणार आहे. देशभरातून त्याला चांगला सपोर्टही मिळत होता मात्र बाजी मुनव्वरने मारली आणि ट्रॉफी आपल्या नावावर केली. आता अभिषेक जेव्हा तीन महिन्यानंतर घरी आला तेव्हा त्याच्या कुटुंबियांनी त्याचे जंगी स्वागत केले आहे. आईने आरती ओवाळून तर वडीलांनी त्याची नजर काढून, हर हर महादेव च्या जयजयकारात त्याचे घरात स्वागत केले आहे.

बिग बॉसच्या घरात अभिषेक पहिल्या दिवसापासून होता. या घरात अनेक स्पर्धकांबरोबर त्याचे वादविवाद पाहायला मिळाले होते. ईशा आणि समर्थबरोबरच्या त्याच्या समीकरणांमुळे तो चर्चांचा भाग बनला होता. मात्र त्याने ज्याप्रकारे बिग बॉसच्या घरात गेम खेळला, आपली मैत्री निभावली, भांडणे केली ते सगळे खरे होते, त्यामुळे तोच विजेता होणार असल्याचे लोक म्हणताना दिसत होते. आतादेखील त्याने ट्रॉफी जिंकली नसली तरीही त्याने प्रेक्षकांची मने जिंकल्याचे चित्र पाहायला मिळत आहे.

दरम्यान, मुनव्वर फारुकीने बिग बॉसच्या १७ व्या सीझनची ट्रॉफी आपल्या नावावर केली आहे तर अभिषेक फर्स्ट रनरअप राहिला आहे. मन्नारा चोप्रा तिसऱ्या क्रमांकावर तर अंकिता लोखंडेला चौथ्या क्रमांकावरुन बिग बॉसच्या घरातून बाहेर पडावे लागले होते.