बिग बॉसच्या फॅन्ससाठी एक आनंदाची बातमी आहे. बिग बॉसच्या टॉप 5 स्पर्धकांची नावं जाहीर झाली असुन त्यात फॅन्सच्या लाडक्या अब्दु रोजिकने बाजी मारली आहे. त्याने प्रियांका आणि टीनाला मागे टाकत टॉप 5 च्या यादीत पहिले स्थान मिळवले आहे.

लोकप्रियतेच्या बाबतीत अब्दु रोजिकने प्रियांका चौधरीलाही मागे टाकले आहे. प्रियांकावर नेहमी इतरांच्या बाबतीत ढवळाढवळ करण्याचा आरोप केला जातो.

मागच्या एका एपिसोडमध्ये अब्दु रोजिकला काही काळ शोमधुन बाहेर पडावं लागेल असं सांगितलं तेव्हा सगळे स्पर्धक भावुक झाले होते. अब्दु रोजिक काही काळ बाहेर जाणार हे कळताच सगळ्याच स्पर्धकांना वाईट वाटलं होतं. इतकंच नाही तर काही प्रेक्षकांनाही अब्दु रोजिक काही काळसुद्धा शोच्या बाहेर पडणं आजिबात आवडलं नाही.

अब्दु रोजिक हा बिग बॉसच्या घरी आल्यापासुन सगळ्यांचा लाडका झाला. अगदी सलमानसुद्धा अब्दुच्या क्युटनेसचा चाहता आहे.

आता अब्दुने ऑरमॅक्स मीडियाने जाहीर केलेल्या पॉप्युलरिटीच्या यादीत स्ठान मिळवले आहे. आणि नुसते स्थान मिळवले नाही तर या यादीत आपलं पहिलं स्थान पक्कं केलं आहे. या यादीतल्या दुसऱ्या स्थानावर एमसी स्टॅन, तिसऱ्या स्थानावर प्रियांका चौधरी, चौथ्या स्थानावर शिव ठाकरे तर पाचव्या स्थानावर शालिन भनोट आहे.