सिंधुदुर्ग: कुडाळ- घावनळे येथील १७ वर्षीय अल्पवयीन मुलीच्या खून झाल्याचे स्पष्ट झाल्यानंतर याप्रकरणी २२ वर्षीय तरुणाला अटक करण्यात आली आहे. मुलगी दोन महिन्यांपूर्वी कॉलेजला जातेय असे सांगून घरातून बाहेर पडली होती मात्र ती माघारी न आल्याने घरच्यांनी बेपत्ता झाल्याची तक्रार पोलिसांत दाखल केली होती.

१७ वर्षीय मुलीचा खून केल्याचे कृणाल कृष्णा कुंभार (२२, रा. गोठोस, मांडशेतवाडी, कुडाळ) येथील  तरुणाला अटक करण्यात आली होती. चौकशीअंती तरुणाने मुलीचा खून केल्याचे कबुल केले होते. तसेच, त्याने मुलीचा मृतदेह कोठे लपवून ठेवलाय याची देखील माहिती पोलसांना दिली होती. पोलिसांसोबत जाऊन मृतदेह पोलिसांनी ताब्यात घेतला होता.

संशयित तरुणाने मुलीचा खून केल्यानंतर एका बॅगमध्ये नायलॉनची दोरी, मोबाईल, शालेय वस्तू, कात्री, सॅनिटरी पॅड, ओळखपत्र यासह विविध १६ वस्तू पोलिसांनी जप्त केल्या आहेत. तरुणाने एकतर्फी प्रेमातून मुलीचा खून केल्याचे आता तपासातून समोर आले आहे. तरुणाने पोलिस तपासात खूनाबाबत कबुली दिली आहे.

कुडाळ – घावनळे येथील १७ वर्षीय अल्पवयीन मुलगी ०२ ऑगस्ट रोजी बेपत्ता झाली होती. कॉलेजला जाते असे सांगून घरातून ती बाहेर पडली होती. मुलगी घरी माघारी न परतल्यामुळे तिच्या कुटुंबीयांनी ती बेपत्ता झाल्याची तक्रार ०३ ऑगस्ट रोजी कुडाळ पोलिसांकडे दाखल केली होती. पोलिसांनी याप्रकरणी तपासचक्रे गतीमान केली होती.

याप्रकरणी मुलीच्या मित्रपरिवाराची देखील चौकशी सुरु करण्यात आली. यात संशयित कृणालवर संशय बळावल्याने पोलिसांनी त्याची सखोल चौकशी करण्यास सुरुवात केली. चौकशीअंती अखेर त्यांनी खूनाची कबुली दिली.