मागील काही दिवसांपासून शिवसेनेचे (shivsena) उपनेते रघुनाथ कुचिक (Raghunath Kuchik) यांच्यावर बलात्काराचा आरोप करणाऱ्या पिडीत तरूणीची कहाणी भाजपच्या (BJP) चित्रा वाघ (Chitra Wagh) यांनी पत्रकारांना ऐकवली होती. रघुनाथ कुचिक यांच्या विरोधात पुण्यातील शिवाजीनगर पोलीस ठाण्यात भा.दं.वि. कलम 376 आणि 313 नुसार एफआयआर दाखल करण्यात आला होता. मागील महिन्यात हे प्रकरण घडले होते. जे आता पुन्हा समोर येत आहे.

24 वर्षीय महिलेने नेत्यावर लग्नाचे खोटे आश्वासन आणि जबरदस्तीने गर्भपात केल्याचा आरोप केला होता. दरम्यान पुण्याचे शिवसेना उपनेते रघुनाथ कुचिक यांच्यावर बलात्काराचा आरोप करणारी तरुणी गायब झाल्याचा आरोप करत भाजपने एकच खळबळ उडवून दिली. याबद्दल भाजपच्या नेत्या चित्रा वाघ आक्रमक झाल्याचं दिसत आहे. आरोप करणारी महिला 2 दिवसांपासून गायब होती. ती आज गोव्यातील मडगावच्या कोलवा गावात सापडली आहे.

दरम्यान काल रात्री त्या पिडीत मुलीचा फोन आल्याचे भाजप नेत्या चित्रा वाघ यांनी सांगितले. इंजेक्शन देऊन काही व्यक्तींनी अपहरण केले ज्यामध्ये पोलिसांचाही सहभाग असल्याची माहिती पिडीतेने दिली. पीडितेला महाराष्ट्रातून गोव्यात नेल्याची धक्कादायक माहिती दिल्याचा दावा चित्रा वाघ यांनी केला आहे. या संदर्भात अधीक माहिती पुणे पोलिसांना देणार असल्याचे वाघ यांनी सांगितले.