उच्च आणि तंत्र शिक्षण मंत्री व सिंधुदूर्गचे पालकमंत्री उदय सामंत यांनी राज्यसभा निवडणुकीत महाविकास आघाडीला घरचा आहेर दिला आहे. सामंत यांनी राज्यसभा निवडणुकीत महाविकास आघाडीला स्विकाराव्या लागलेल्या पराभवाचे कारण देताना राज्यसभा निवडणुकीत महाविकास आघाडीकडून निष्काळजीपणा झाला असल्याने अपेक्षित यश न मिळता अनपेक्षित असलेल्या जागा गमवाव्या लागल्या आहेत. या पार्श्वभूमीवर त्यांनी हे भाष्य केले आहे. (Uday Samant comment on Mahavikas Aghadi and rajya sabha election 2022 )

असे असले तरी आगामी विधानपरिषदेत असे चित्र असणार नाही. असे ही ठामपणे सांगितले. तसेच राज्यसभा निवडणुकीत गणितं कोणी जुळवली हे अख्ख्या देशाने बघितलं, असं म्हणत त्यांनी भाजपावर ही निशाणा साधला. ते रत्नागिरी येथे पत्रकारांनी विचारलेल्या प्रश्नाचे उत्तर देताना सामंत बोलत होते.

विधानपरिषदेची निवडणूक 20 जूनला होतं आहे. या पार्श्वभूमीवर उद्धव ठाकरे यांनी शिवसेनेकडून सचिन अहीर आणि पाडवी यांना उमेदवारी दिलीय. आमचे दोन्ही सदस्य विधान परिषदेत जातील. असा ठाम विश्वास ही सामंत यांनी व्यक्त केला.

विरोधकांनी आदित्य ठाकरे यांच्यावर टीका केली म्हणून आदित्य ठाकरे घाबरणार नाही, उलट ते दौरा यशस्वी करून परत येतील, असा विश्वासही उदय सामंत यांनी व्यक्त केला. यावेळी सामंत यांनी धोपेश्वर रिफायनरीबाबत ही भाष्य केले. ते म्हणाले की, बेरोजगारीचा प्रश्न पाहता तेथील जनतेला हा प्रकल्प हवा असेल तर मुख्यमंत्री या प्रकल्पाचा विचार करतील,”