"बेळगाव, कारवार, निपाणीसह तिकडे असलेले गावं सर्वोच्च न्यायालयात लढून महाराष्ट्रात घेण्याचा आमचा प्रयत्न आहे. तसेच, महाराष्ट्रातील एकही गाव कर्नाटकात जाऊ देणार नाही." असे वक्तव्य महाराष्ट्राचे उपमुख्यमंत्री देवेंद्र फडणवीस (DCM Devendra Fadanvis) यांनी केले आहे.

तीव्र पाणी टंचाईमुळे सांगलीच्या जत तालुक्यातील 40 ग्रामपंचायतींनी कर्नाटकात सामील होण्याचा ठराव केला आहे. या ठरावावर कर्नाटक सरकार गांभीर्यानं विचार करत असल्याचं कर्नाटकचे मुख्यमंत्री बसवराज यांनी म्हटलं आहे. याबाबत महाराष्ट्राचे उपमुख्यमंत्री देवेंद्र फडणवीस यांना नागपूर येथे प्रश्न विचारण्यात आला. त्यावर उत्तर देताना उपमुख्यमंत्री फडणवीस महाराष्ट्रातील एकही गाव कर्नाटकात जाऊ देणार नाही, असे म्हटले आहे.

"महाराष्ट्रातील एकही गाव कर्नाटकात जाऊ देणार नाही. सर्वोच्च न्यायालयात (Supreme Court) लढून बेळगाव, कारवार, निपाणीसह तिकडे असलेले गावं घेण्याचा आमचा प्रयत्न आहे," असे उपमुख्यमंत्री देवेंद्र फडणवीस म्हणाले.

तसेच, जतमधील गावांनी कर्नाटकात जाण्याचा ठराव 2012 मधला असून, तो आता केलेला नाही. या गावांना पाणी देण्यासाठी म्हैसाळच्या सुधारित योजनेत घेण्याचा निर्णय घेतला आहे. असेही उपमुख्यमंत्री फडणवीस म्हणाले.