राज्य राखीव पोलीस दलाच्या (एसआरपीएफ) जवानाने मंगळवारी मुंबईतील डोंगरी भागात स्वत:वर गोळी झाडली. 36 वर्षीय जवानाने स्वतःच्या सर्व्हिस रायफलने स्वतःवर गोळी झाडली. बंदुकीच्या आवाजाने आजूबाजूचे लोक गोळा झाले. त्यांनी जखमी जवानाला तत्काळ दवाखान्यात (Hospital) भरती केले. जवानाला गंभीर दुखापत झाली आहे. (Maharashtra Latest News)

पोलिसांनी (Police) दिलेल्या माहितीनुसार, ही घटना सकाळी साडेनऊच्या सुमारास घडली. पुष्कर शिंदे असे जखमी जवानाचे नाव आहे.

पोलिसांनी पुढे सांगितले की, एसआरपीएफ जवान पुष्कर शिंदे याची मंत्रालयात नियुक्ती झाली होती. 6 जानेवारीपासून तो मंत्रालयात काम करत होता. मंगळवारी त्याने एका खोलीत जाऊन आपल्या एसएलआर रायफलने स्वत:च्या गळ्यात गोळी झाडून घेतली. पुष्कर शिंदे याने आत्महत्या करण्याचा प्रयत्न का केला, याबद्दल अजून कोणतीही ठोस माहिती मिळालेली नाही. पोलिसांनी याबाबत चौकशी सुरू केली आहे. पुष्कर शिंदे याच्या मित्रांनी देखील त्याच्या आत्महतेच्या प्रयत्नाबाबत चिंता व्यक्त केली.