सिंधुदुर्ग जिल्ह्यातील शिरोडा वेळागर समुद्र किनाऱ्यावर दुपारी एक मोठी दुर्घटना घडली. फिरायला गेलेल्या आठ पर्यटकांचा समुद्राच्या लाटांमध्ये ओढून बुडाल्याचा धक्कादायक प्रकार समोर आला आहे. यापैकी तिघांचे मृतदेह किनाऱ्यावर सापडले असून चौघांचा वाचवण्यात यश आलं आहे. तर एकाचा शोध सुरू आहे. सर्व पर्यटक हे सिंधुदुर्ग जिल्ह्यातीलच असल्याचे प्राथमिक चौकशीतून स्पष्ट झाले आहे.
घटनेनंतर स्थानिकांनी तातडीने पोलिसांना माहिती दिली. पोलिस आणि स्थानिक बचाव पथके घटनास्थळी दाखल झाली असून शोधमोहीम सुरू करण्यात आली आहे.
वेळागर समुद्रकिनारा हा सिंधुदुर्गमधील लोकप्रिय पर्यटनस्थळांपैकी एक आहे. सुट्टीच्या दिवशी येथे पर्यटकांची मोठ्या प्रमाणात गर्दी असते. मात्र या भागात योग्य सुरक्षा व्यवस्था नसल्याची तक्रार स्थानिकांकडून सातत्याने केली जात आहे. पर्यटकांना पोहण्यास बंदी असूनही अनेकजण लाटांचा अंदाज न घेता पाण्यात उतरतात, ज्यामुळे अपघाताच्या घटना घडतात.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.