Maharashtra Political Crisis: महाराष्ट्रात सध्या सुरु असलेल्या राजकीय पेचप्रसंगात उद्धव ठाकरे कॅम्प आणि शिंदे कॅम्पच्या नेत्यांमध्ये आरोप-प्रत्यारोपांच्या फैरी सुरुच आहेत. दरम्यान, शिवसेनेचे मुखपत्र असलेल्या सामनाच्या संपादकीयमध्ये बंडखोर आमदारांवर कडाडून टीका करण्यात आली आहे. त्याचबरोबर भाजपलाही चांगलेच फैलावर घेतले आहे. गुवाहाटी प्रकरणाने अखेर भाजपची धोबीपछाड उघड झाल्याचे संपादकीयमध्ये म्हटले आहे.

दरम्यान, शिवसेना (Shiv Sena) आमदारांची बंडखोरी ही त्यांच्या पक्षातर्गंत बाब असल्याचे लोक सांगत होते. तर दुसरीकडे, देवेंद्र फडणवीस आणि एकनाथ शिंदे यांची वडोदरामधील गुप्त बैठक झाल्याचे बोलले जात आहे. या बैठकीत केंद्रीय गृहमंत्री अमित शहा देखील सहभागी झाले होते. त्यानंतर लगेचच केंद्र सरकारकडून 15 बंडखोर आमदारांना ‘वाय’ श्रेणीची विशेष सुरक्षा देण्याचे आदेश जारी करण्यात आले. हे 15 आमदार म्हणजे जणू लोकशाही आणि स्वातंत्र्याचे रक्षक आहेत. त्यामुळेच त्यांच्याबरोबर कोणत्याही प्रकारचा घातपात होऊ, असे केंद्राला वाटते का? असा सवाल देखील सामनातून विचारण्यात आला आहे.

वास्तविक, हे लोक बिग बुल आहेत किंवा 50-50 कोटींना विकले जाणारे मोठे बंडखोर आहेत. हा लोकशाहीला कलंक आहे. त्या कलंकाचे रक्षण करण्यासाठी हा काय गोंधळ? हे आमदार मुंबई-महाराष्ट्रात यायला घाबरतात का? मुंबईत उतरताच पुन्हा आपल्या स्व:पक्षात सामील होतील या चिंतेने केंद्र सरकारने (Central Government) त्यांना ‘केंद्रीय’ सुरक्षा देऊन एकप्रकारे कैद करुन ठेवले आहे.

तसेच, महाराष्ट्राचे मुख्यमंत्री उद्धव ठाकरे (Uddhav Thackeray) आणि बंडखोर शिवसेना नेते एकनाथ शिंदे यांच्यातील सत्तासंघर्ष रविवारी अधिक तीव्र झाला. पक्षाचे खासदार संजय राऊत यांनी बंडखोर आमदारांना विधानसभेचे सदस्यत्व सोडून निवडणूक लढविण्याचे आव्हान दिले. दरम्यान, कार्यकर्त्यांची आंदोलने सुरुच आहेत.