नागपूर: OBC Reservation राज्य सरकार (Maharashtra) आपल्या अपयशाचे खापर मोदींवर फोडते आहे. त्याचबरोबर राज्याच्या मंत्रिमंडळात ओबीसी नेत्यांचे महत्त्व ताटातल्या चटणीएवढं आहे. घरी बायकोने मारले तरी ते त्यासाठी मोदींनाच (Narendra Modi) जबाबदार धरणार असा टोला त्यांनी मंत्रींडळातील नेत्यांवर लगावला. नागपुरमध्ये विरोधी पक्षनेते देवेंद्र फडणवीस (Devendra Fadnavis) यांच्या नेतृत्वाखाली ओबीसींच्या राजकीय आरक्षणासाठी आंदोलन सुरु झाले आहे. यावेळी फडणवीस यांनी राज्य सरकारवर जोरजार टिकास्त्र सोडले आहे.

महाराष्ट्रात ओबीसींच्या राजकीय आरक्षणासाठी भाजप कार्यकर्ते आक्रमक झाले असून राज्यभर जेलभरो आंदोलन करण्यात येत आहे. नागपुरात विरोधी पक्षनेते देवेंद्र फडणवीस यांच्या नेतृत्वाखाली आंदोलन सुरु असून, पुण्यातील कात्रज बायपासजवळ पंकजा मुंडे यांनी ठिय्या मांडला आहे.

फडणवीस म्हणाले, सकरारच्या नाकर्तेपणानुळे आरक्षण गेलं, प्रत्येक राज्यात ओबीसी आरक्षण आहे तर महाराष्ट्रात का नाही असा प्रश्नही त्यांनी यावेळी उपस्थित केला आहे. ओबीसी आरक्षणाचा कायदा राज्य सरकारच्या हातात आहे केंद्र सरकारच्या नाही त्यामुळे राज्य सरकारने यावर विचार केला पाहिजे. छत्रपती राजर्षि शाहू महाराज यांची आज जयंती आहे त्यांना नमन करतो. शाहू महाराजांना सामाजिक न्याय काय असतो हे जगाला दाखवून दिले आहे, असे त्यांनी नमूद केले.

दरम्यान, बीड, औरंगाबाद, नवी मुंबई आणि इतर ठिकाणी आंदोलनाला सुरुवात झाली आहे. त्यात पार्श्वभूमीवर राज्यात कडक पोलीस बंदोबस्त ठेवण्यात आला आहे. ओबीसींच्या राजकीय आरक्षणासाठी पुण्यात भाजप आक्रमक झाले असून ओबीसी आरक्षण मिळेपर्यंत निवडणूक होऊ देणार नाही, सरकारने 15 महिने वेळकाढूपणा केला असा घणाघात भाजप नेत्या पंकजा मुंडे यांनी राज्य सरकारवर केला आहे. दरम्यान मुंबईत पोलिसांकडून आंदोलकांना ताब्यात घ्यायला सुरुवात केली आहे.