देशात सुरू असलेल्या कोळशाच्या (Coal) संकटामुळे राज्यात कोणतेही लोडशेडिंग (Load shedding) होणार नाही, अशी ग्वाही महाराष्ट्राचे (Maharashtra)ऊर्जामंत्री नितीन राऊत यांनी मंगळवारी दिली. राऊत म्हणाले की, राज्यात कोळशाचा तुटवडा असूनही महाराष्ट्र सरकारने वीज पुरवठा खंडित होणार नाही याची काळजी घेतली आहे.

ते म्हणाले, कोळशाचे संकट असूनही, आम्ही आमच्या नागरिकांना वीज पुरवठा करण्याचा प्रयत्न केला आहे. राज्यात कोळशाच्या कमतरतेनंतरही 27 पैकी केवळ चार वीजनिर्मिती युनिट बंद आहेत. एक मंत्री म्हणून, हमी देऊ शकतो की कोळशाच्या संकटामुळे लोडशेडिंग होणार नाही.

कोळशाच्या कमतरतेवर बैठक:

ते म्हणाले, मी अशी कल्पना केली होती की अशी परिस्थिती राज्यात होऊ शकते. पावसाळ्यापूर्वी कोळशाच्या पुरवठ्यात कोणतीही कमतरता भासू नये म्हणून आम्ही अशा बैठका घेतो. आमच्याकडे 3 महिने साठा होता, पण मध्येच पाऊस थांबला की विजेचा जास्त वापर केला गेला. यामुळे राज्यातील कोळशाचा वापरही वाढला.

ते पुढे म्हणाले, मी दिल्लीत (Delhi) केंद्र सरकारशी त्यावेळी बोललो होतो. आज सकाळीही ऊर्जामंत्र्यांशी यावर बोललो. जिथे जिथे आमच्याकडे खाणी आहेत तिथे आम्ही आमच्या अधिकाऱ्यांना (Officer) कोळशाशी संबंधित माहिती मिळवण्यासाठी पाठवले आहे आणि जे काही करता येईल ते आम्ही करत आहोत.

महाराष्ट्रात कोळशाची कमतरता का?

ऊर्जा मंत्री म्हणाले, कोल इंडिया कंपनी या संकटाचे व्यवस्थित व्यवस्थापन करू शकली नाही, त्यामुळे भारतात (India) अशी परिस्थिती निर्माण झाली आहे. हवामान (Weather) बदलामुळे परिस्थिती आणखी बिघडली. विशेषतः पुरामुळे कोळसा पुरवठा होऊ शकला नाही. ते म्हणाले, माझा प्रश्न असा आहे की गुजरात आणि गोव्यात (Goa) जादा कोळसा आहे आणि महाराष्ट्रात कमतरता आहे, असे का?