महाराष्टाच्या अनेक ठिकाणी पावसाने (Maharashtra Rain) आता विश्रांती घेतलेली दिसत आहे तर काही थैमान मुसळधार पावसाचे (Heavy Rain) सावट अजूनही कायमच आहे.अशातच आता उत्तर महाराष्ट्राला (North Maharashtra) बुधवारी पावसाचा ‘ऑरेंज अलर्ट’ (Rain Orange Alert) दिला आहे (Monsoon Update). त्याचबरोबर औरंगाबादलाही (Aurangabad) असाच इशारा देण्यात आला आहे. तर दुसरीकडे मुंबईसह 11जिल्ह्यांना ‘यलो अलर्ट’दिला गेला असल्याची माहिती हवामान खात्यातर्फे (Weather Department) मंगळवारी देण्यात आली आहे. (Monsoon Update: Orange Alert in North Maharashtra)

अनेक दिवसाच्या विश्रांती नंतर आता पुन्हा एकदा राज्यात पावसासाठी पोषक वातावरण तयार झाले आहे. त्यामुळे कोकण, मध्य महाराष्ट्र, विदर्भ आणि मराठवाड्यात तुरळक ठिकाणी पावसाने काल हजेरी लावलेली पाहायला मिळाली . मॉन्सूनचा आस असलेल्या कमी दाबाचा पट्टा फिरोजपूर, हिस्सार, दिल्ली, हददोई, वाराणसी, देहरी, रांची या दरम्यान निर्माण झालेला पाहायला मिळत आहे. ओरिसा आणि बंगालच्या उपसागरात असलेले कमी दाबाचे क्षेत्र पुन्हा एकदा सक्रिय झाले आहे. हे क्षेत्र दक्षिण ओरिसा, उत्तर आंध्र प्रदेश लगतच्या उपसागरात असलेल्या कमी दाबाच्या क्षेत्राचे येत्या दोन दिवसांत चक्राकार वाऱ्यांमध्ये रूपांतर होण्याची स्थिती आहे. हे कमी दाबाचे क्षेत्र वायव्य दिशेने सरकण्याची शक्यता असून या वाऱ्यांच्या प्रभावामुळे राज्यात पावसाचा जोर वाढणार असल्याचा अंदाज हवामान खात्याने वर्तविला आहे.

तर दुसरीकडे खानदेश व मराठवाड्याच्या काही भागांत बुधवारी पावसाच्या जोरदार पडण्याची शक्यता वर्तवली जात आहे तर नाशिक, धुळे, जळगाव, नंदूरबार आणि औरंगाबाद येथे पावसाचा ‘ऑरेंज अलर्ट’ दिल्याचेही खात्यातर्फे सांगण्यात आले.

त्याचबरोबर पुढील काही दिवस पावसाचा जोर कमी-अधिक स्वरूपात राहील असा अंदाज आहे . गेल्या काही दिवसांपासून पावसाचा जोर कमी झाल्याने राज्यात उन्हाचा चटका चांगलाच वाढला असून, तापमानाचा पारा गेली काही दिवस सातत्याने २६ ते ३६ अंश सेल्सिअसच्या दरम्यान असल्याचे पाहायला मिळत आहे आता अशातच या अंदाजाने या चटक्यापासून कुठेतरी दिलासा मिळेल हे नक्की.