massive fire at ballarpur paper mill wood depot in maharashtra  Dainik Gomantak
महाराष्ट्र

बल्लारपूर पेपर मिलच्या वुड डेपोला भीषण आग, अग्निशमन दलाच्या २५ गाड्या घटनास्थळी दाखल

आगीचे कारण अद्याप समजू शकलेले नाही

दैनिक गोमन्तक

रविवारी संध्याकाळी चंद्रपूर जिल्ह्यातील बल्लारपूर-अल्लापल्ली मार्गावर असलेल्या बिल्ट ग्राफिक पेपर मिलच्या लाकूड डेपोला भीषण आग लागली. मात्र, सुदैवाने या घटनेत अद्याप कोणतीही जीवितहानी झालेली नाही. आग एवढी भीषण होती की त्यामुळे जवळचा महामार्ग काही तासांसाठी बंद करण्यात आला. त्यामुळे महामार्गावर मोठ्या प्रमाणात वाहतूक कोंडी झाली.

आगीची माहिती मिळताच अग्निशमन दलाच्या 25 गाड्या घटनास्थळी दाखल झाल्या आणि आग विझवण्याचे काम सुरू केले. आग इतकी भीषण होती की 24 तास उलटूनही आग आटोक्यात आणता आली नाही. या घटनेची माहिती देताना बल्लारपूरचे तहसीलदार म्हणाले की, आगीचे कारण अद्याप समजू शकलेले नाही.

डेपोमध्ये 40 हजार टन लाकडाचा साठा

मिळालेल्या माहितीनुसार, हा लाकूड डेपो बांबू आणि लाकडाचा आहे. हे देखील आग वेगाने पसरण्याचे एक कारण आहे. येथे मोठ्या प्रमाणात लाकूड साठवले जाते. पेपर कंपनीच्या एका अधिकाऱ्याने सांगितले की, डेपोमध्ये सुमारे 40,000 टन लाकडाचा साठा होता, जो आगीत नष्ट झाला.

महामार्ग बंद

घटनास्थळाजवळ एका खासगी कंपनीचा पेट्रोल पंप आणि बांबू डेपोही आहे. आग पसरून तिथपर्यंत पोहोचली होती. मात्र, पेट्रोल पंपावर इंधनाचा साठा नव्हता आणि तो १० दिवस बंद होता, असे पोलीस अधिकाऱ्याने सांगितले. घटनास्थळाजवळ असलेला बल्लापूर-आल्लापल्ली महामार्ग रात्री बंद होता, त्यामुळे रस्त्यावर पाच किलोमीटरपर्यंत जड वाहतूक होते. सोमवारी सकाळी हा महामार्ग सर्वसामान्यांसाठी खुला करण्यात आला, असे अधिकाऱ्याने सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

Gurpatwant Singh Pannun Murder Plot: खलिस्तानी दहशतवादी गुरपतवंत सिंग पन्नूच्या हत्येचा कट, अमेरिकन कोर्टाचा निखिल गुप्ताला झटका; सुनावली 20 वर्षांची शिक्षा

Marigold Farming: काणकोणात झेंडूचा बहर; 1,060 क्विंटल उत्पादन, स्थानिक फुलांना ग्राहकांची पसंती

SCROLL FOR NEXT