महाराष्ट्रामध्ये येत्या चार दिवसांत उष्णतेचा पारा वाढण्याचा अंदाज हवामान खात्याने दर्शवला आहे. सूर्याचे यूव्ही इंडेक्समध्ये वाढ झाल्याने सूर्याच्या अतिनील किरणाची तीव्रता वाढली आहे असे हवामान विभागाच्या (India Meteorological Department) वतीनं सांगण्यात आलं आहे. यामुळे मार्च महिन्यात दुसऱ्यांदा उष्णतेच्या लाटा (Heat Wave) वाहताना दिसत आहे. (Maharashtra Weather Update)

राज्यात आजपासून ते 31 मार्चपर्यंत उष्णतेची लाट राहणार आहे. यामुळे मराठावाडा, विदर्भ अनेक भागात पारा 43 अंशाच्या पार गेला आहे. यामुळे दुपारी घराबाहेर निघताना काळजी घेण्याचा सल्ला तज्ज्ञांनी नागरिकांना दिला आहे.

महाराष्ट्रात (Maharashtra) तापमानाचा पारा वाढला असून पुढील चार दिवस राज्यातील अनेक शहरांमध्ये उष्णतेची तीव्र लाट येण्याची शक्यता हवामान खात्याने दर्शवली आहे. विदर्भ, खानदेश आणि मराठवाड्यात उष्णतेच्या लाटेचा अंदाज वर्तवण्यात आला असून राज्यातील अनेक जिल्ह्यामध्ये तापमान 4.5 ते 6.4 अंश सेल्सिअसपर्यंत वाढण्याची शक्यता हवामान खात्याने दर्शवली आहे. 31 मार्चला राज्यात हवामान जैसे थे कायम राहणार असून चंद्रपूरात तापमान तापमान वाढण्याचा अंदाज हवामान खात्याने दर्शवला आहे.