लोणावळ ग्रामीण पोलिसांनी स्विफ्ट कारमधून मुंबई-पुणे एक्स्प्रेसवर 4 कोटी रुपयांची रोख रक्कम ताब्यात घेतली आहे. या प्रकरणात दोन व्यक्तींना अटक करण्यात आली आहे. त्यांच्याकडे कारची कोणतीही कागदपत्रे नव्हती तसेच त्यांच्याकडे लायसन्स देखील नव्हते. आयकर विभाग या प्रकरणाची चौकशी करत आहे. आरोपी महेश नाना माने, कारचा चालक आणि त्याचा साथीदार विकास संभाजी घाडगेला पोलिसांनी अटक केली आहे.

पोलिसांच्या म्हणण्यानुसार, लोणावळा ग्रामीण पोलिसांना याची आधीच कल्पना मिळाली होती त्यानुसार त्यांनी एक टीम तयार केली होती. त्यानुसार सापळा रचून त्यांनी ही कारवाई (Action) केली.

सोमवारी 6 वाजता मारुती स्विफ्ट, 53 एमबी 8508 पुण्याच्या दिशेने वेगाने प्रवास करत होती. पोलिसांनी हात करून देखील ही गाडी न थांबल्यामुळे पोलिसांचा (police) संशय बळावला आणि त्यांनी गाडीचा पाठलाग करून आरोपींना जेरबंद केले. पोलिसांनी या कारचा तपास केला आणि बॅगेत त्यांना जवळपास 4 कोटी रक्कम मिळाली. लोणावळा ग्रामीण वरिष्ठ पोलीस निरीक्षक पुढील तपास करत आहेत.