शिवसेनेचे नेते आणि राज्याचे परिवहन मंत्री अनिल परब (Anil Parab) यांच्या निवासस्थानासह
सात ठिकाणांवर सक्तवसुली संचलनालयाने (ईडीने) आज सकाळी धाड टाकली आहे. (Kirit Somaiya criticizes Anil Parab)

या पार्श्वभूमीवर बोलताना भाजप नेते किरीट सोमय्या म्हणाले, "बेनामी मालमत्ता, आर्थिक अफरातफर (मनी लाँड्रिंग), बोगस (शेल) कंपन्या, केंद्रीय पर्यावरण मंत्रालयालयाकडे करण्यात आलेल्या तक्रारी आणि फेमा कायद्यातील तरतुदींच्या उल्लंघनासाठी ईडीने कारवाई सुरू केली आहे. मंत्री अनिल देशमुख, नवाब मलिक हे तुरूंगात गेले. आता परब यांची वेळ आली आहे”. याबाबत किरीट सोमय्या यांनी ट्विट केले आहे.

अनिल परब यांच्या घरावर सक्तवसुली संचलनालयाने (ईडी) धाड टाकली आहे. ईडीचे अधिकारी सकाळी अनिल परब यांच्या वांद्रे येथील घरी आणि मरिन ड्राईव्हमधील सरकारी निवासस्थानी दाखल झाले.