मुंबई : नुकताच राजीनामा देणारे शिवसेना नेते आणि महाराष्ट्राचे माजी मुख्यमंत्री उद्धव ठाकरे यांनी अखेरच्या दिवशी राज्यातील अनेक पदाधिकाऱ्यांच्या बदल्या केल्या होत्या. यामूळे महाराष्ट्रातील अनेक उच्चाधिकाऱ्यांना नव्या ठीकाणी आपला पदभार स्विकारावा लागणार आहे. यातच सध्याचे पोलीस आयुक्त संजय पांडे आज सेवानिवृत्त होत आहेत. त्यामूळे मुंबईच्या पोलीस आयुक्त पदी आयपीएस विवेक फणसळकर हे आपला पदभार स्विकारणार आहेत. आज सायंकाळी 5 वाजता ते पदभार स्विकारतील. (IPS vivek phalsankar new police commissioner of mumbai )

सध्याचे पोलीस आयुक्त संजय पांडे आज सेवानिवृत्त होत आहेत. 1989 च्या बॅचचे आयपीएस अधिकारी विवेक फणसळकर यांची बुधवारी उद्धव सरकारने मुंबईचे नवे पोलिस आयुक्त म्हणून नियुक्ती केली. विवेक फणसळकर, 1989 च्या बॅचचे आयपीएस अधिकारी, मुंबई पोलीस आयुक्तपदी नियुक्ती होण्यापूर्वी पोलीस गृहनिर्माण आणि कल्याण महामंडळाचे महासंचालक आणि एमडी म्हणून कार्यरत होते.

पोलीस आयुक्त संजय पांडे यांच्या जागी फणसळकर

विद्यमान पोलीस आयुक्त संजय पांडे यांच्या जागी विवेक फणसळकर येणार आहेत. राज्यात सध्या राजकीय पेचप्रसंग सुरू असताना फणसळकर हे पदभार स्वीकारणार आहेत. विवेक फणसळकर यांनी यापूर्वी महाराष्ट्र पोलिसांत ठाणे पोलिस आयुक्त आणि महाराष्ट्र एटीएस प्रमुख अशा महत्त्वाच्या पदांवर काम केले आहे.

विवेक फणसळकर हे ठाण्यातील 2008 च्या जातीय दंगली संपवण्याच्या भूमिकेसाठीही ओळखले जातात. फणसळकर यांनी त्यांच्या कारकिर्दीच्या सुरुवातीच्या काळात 1993 ते 1995 या काळात माजी राज्यपाल डॉ. पीसी अलेक्झांडर यांच्याकडे एडीसी म्हणून काम केले.

अकोला येथील अतिरिक्त पोलीस अधीक्षक म्हणून कारकिर्दीला सुरुवात करणाऱ्या फणसळकर यांनी एसीबीचे अतिरिक्त संचालक म्हणूनही काम पाहिले आहे. त्याचबरोबर कोट्यवधी रुपयांचा सिंचन घोटाळा प्रकरणासारख्या अनेक संवेदनशील प्रकरणांमध्ये तपास करण्यात आला आहे. मुंबईत फुणसाळकर यांनी सहपोलीस आयुक्त, वाहतूक तसेच पोलीस सहआयुक्त, प्रशासन म्हणून काम केले आहे. त्याला वाहतुकीचे चांगले ज्ञान आहे.