Indian Navy Day PM Narendra Modi In Sindhudurg: भारतीय नौदल दिनाच्या विशेष कार्यक्रमात सहभागी होण्यासाठी पंतप्रधान नरेंद्र मोदी आज (सोमवार) सिंधुदुर्ग जिल्ह्यात येणार आहेत. सिंधुदुर्गातील तारकर्ली समुद्रकिनाऱ्यावर भारतीय नौदलाची जहाजं, पाणबुड्या, विमानं आणि विशेष दलांची प्रात्यक्षिकं सादर केली जाणार आहेत.

मोदींच्या हस्ते राजकोट किल्ल्यावर छत्रपती शिवाजी महाराजांच्या पुतळ्याचं अनावरणही यावेळी करण्यात येणार आहे.

1971 च्या भारत-पाक युद्धात पाकिस्तानविरुद्ध सुरु केलेल्या ऑपरेशन ट्रायडंट च्या स्मरणार्थ दरवर्षी ४ डिसेंबरला भारतीय नौदल दिन साजरा केला जातो.

भारतीय नौदलाच्या वतीने नौदल दिनानिमित्त बॉलिवूड सुपरस्टार बिग बींच्या आवाजातील एक व्हिडिओ प्रसिद्ध केला आहे. यात नौदलाची निर्मिती आणि त्याचे महत्व सांगण्यात आले आहे.

सायंकाळी चार वाजता सिंधुदुर्ग किल्ल्यावरुन या कार्यक्रमाचे थेट प्रेक्षेपण केले जाणार आहे.