Karuna Sharma and Dhananjay Munde : राष्ट्रवादीचे नेते धनंजय मुंडे आणि करूणा शर्मा यांच्यावरून एकेकाळी चर्चांना उधाण आले होते. आता करूणा शर्मा या कोल्हापूर येथून पोटनिवडणूक लढवणार आहेत. यासाठी त्या विठ्ठलाचा आशीर्वाद घ्यायला गेल्या असून दरम्यान त्यांनी त्यांच्या आणि धनंजय मुंडे यांच्यावर सिनेमा आला तर तो खूप गाजेल, असे विधान माध्यमांशी बोलताना केले आहे. (If movie made on Dhananjay Munde and me it will be super says karuna sharma)

त्या यावेळी म्हणाल्या की, "आमच्यावर चित्रपट निघाला तर सर्वांना कळेल की महाराष्ट्रातील राजकारण काय आहेत. आणि येथील नेते कसे आहेतकाश्मीर फाईल सिनेमावर मोठे-मोठे नेते बोलत आहेत, ही मुर्खता आहे. देशामध्ये शेतकरी आत्महत्या, महागाई, महिला सुरक्षा असे अनेक प्रश्न आहेत. परंतु, या प्रश्नांवर कोण बोलत नाही. करुणा धनंजय मुंडे यांना पती धनंजय मुंडे यांनी जेलमध्ये टाकले, त्यावर कोण बोलत नाही. काश्मीर फाईल्स फक्त चित्रपट आहे आणि तो चित्रपटच राहणार आहे. नेत्यांना बोलायचं असेल तर दिशा सालीयन, पूजा चव्हाण आणि करुणा मुंडेंवर बोला, असे आवाहन करूणा शर्मा यांनी यावेळी केले.