बंगालच्या उपसागरात (Bay of Bengal) आणि अरबी समुद्रात (Arabian Sea) निर्माण झालेल्या कमी दाबाच्या क्षेत्रातमुळे राज्यातील अनेक भागात जारदार पावसाची (Rain) शक्यता वर्तविण्यात आली आहे. अरबी समुद्रात निर्माण झालेल्या कमी दाबाच्या क्षेत्रामुळे केरळात मुसळधार पाऊसाने हाहा:कार माजला आहे. या कमी दाबाच्या क्षेत्राचा परिणाम महाराष्ट्रावर (Maharashtra) देखील होणार आहे. राज्यात 22 जिल्ह्यांना हवामान विभागाकडून (IMD) हाय अलर्ट देण्यात आला आहे.

यामध्ये नाशिक, धुळे, औरंगाबाद, जळगाव, नंदुरबार, अहमदनगर, बीड, जालना, बुलडाणा, परभणी, नांदेड, हिंगोली, अकोला, वाशिम, अमरावती, वर्धा, यवतमाळ, चंद्रपूर, भंडारा, नागपूर, गोंदिया, गडचिरोली येथे मुसळधार पावसाची शक्यता असल्याने येथे येलो अलर्ट जारी करण्यात आला आहे. काल विदर्भातील अनेक भागांत पावसाने झोडपले तर अकोल्यात अतिवृष्टी झाली.

खरे तर मॉन्सून परतल्याचे हवामान विभागाकडू देखील सांगण्यात आले होते. साधारणत: तो 17 ऑक्टोबरपर्यंत एग्झिट घेतो. त्याच्या परतीचा प्रवास हा 6 ऑक्टोबरपासूनच सुरुवात झाली, मात्र बंगालच्या उपसागरात आणि आरबी समुद्रात तयार झालेल्या कमी दाबाच्या क्षेत्रामुळे परतीचा मॉन्सून महाराष्ट्र आणि ईशान्येतील काही भागात अजूनही थांबला असल्याचे दिसत आहे. तर राज्याच्या इतर भागात तापमानात घट झाली असून हवेत गारवा वाढला असून येथे थंडीची चाहूल लागलेली दिसत आहे. महाबळेश्वरमध्ये तापमानात 15.8 अंश सेल्सिअस इतकी नोंद झाली आहे. तर सातारा (18.7), सोलापूर (18.6) पुणे (18.4) इतकी नोंद झाली आहे.