Amruta Fadnavis: महाराष्ट्राचे उपमुख्यमंत्री देवेंद्र फडणवीस आणि अमृता फडणवीस यांनी महाराष्ट्र भूषण पुरस्काराने सन्मानित झाल्याबद्दल आशा भोसले यांची भेट घेतली आहे. यावेळी झालेल्या भेटीबद्दल अमृता फडणवीसांनी सोशल मिडियावर आपल्या भावना व्यक्त केल्या आहेत.

आशाताईंनी म्युझिक आणि इतर संगीताबद्दल छान संवाद साधला. आशाताईंनी मला गाण्याची प्रॅक्टिस करायला सांगितलं आहे. याबरोबरच त्यांनी मला व्हॉईस मॉड्युलेशनबाबतदेखील मार्गदर्शन केलं आहे. आता आमच्या पुढील संगीत भेटीसाठी आम्ही उत्सुक आहोत, असंही अमृता फडणवीसांनी म्हटले आहे.

आशा भोसले यांच्यासोबत काढलेले खास फोटो शेअर करत अमृता फडणवीसांनी या भेटीबद्दल लिहले आहे.

दरम्यान , 2021 साठी आशा भोसलेंना महाराष्ट्रभूषण पुरस्कार जाहीर झाला आहे. कोरोणाच्या निर्बंधामुळे तो पुरस्कार यावर्षी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि भारतरत्न आणि माजी क्रिकेटपटू सचिन तेंडुलकरच्या उपस्थतीत आशाताईंना प्रदान करण्यात आला. हा पुरस्कार स्विकारताना आशाताईंनी महाराष्ट्रभूषण मिळणे हे भारतरत्न मिळण्यासारखेच आहे, असे म्हटले आहे.